وه‌زاره‌تا ده‌رڤه‌یا ئه‌مه‌ریكایێ داخواز ژ فه‌رماندارێ پێكانینا كوده‌تایێ ل مالى كر ده‌ست ژ كار به‌رده
واشنتۆن داخوازا وێ یه‌كێ دكه فه‌رماندارێ پێكانینا كوده‌تایێ ل مالى ده‌ست ژ كار به‌رده. وه‌زاره‌تا ده‌رڤه‌یا ئه‌مه‌ریكایێ داخواز ژ وى ئه‌فسه‌رێ كو ل ئادارا ده‌رباسبوویى فه‌رمانداریا كوده‌تایا له‌شكه‌رى ل مالى كربوو كر ده‌ستا ژ كاربه‌رده و رێ بده ب ئاواكێ دورست هوكوومه‌ته‌كه سڤیل ڤه‌گه‌ر سه‌ر ده‌ستهه‌لاتێ.
هه‌ڤده‌م وه‌زاره‌تا ده‌رڤه یا ئه‌مه‌ریكایێ ئه‌و یه‌ك ژى راگه‌هاند كو فه‌رماندارێن پێكانینا كوده‌تایێ ل مالى ده‌موكراسى ژناڤبریه و د پێشى یا كارینین هوكوومه‌تا مالى ده ژبۆ به‌ربرووكرنا گرفتارى یێن مرۆڤانتى ل باكوورێ وه‌لات بوونه ئاسته‌نگ.
خویاژى كر هه‌بوونا هوكوومه‌ته‌كه ده‌موكراسى و بهێز ل مالى سه‌ده‌مه‌كێ باشه ژبۆ چاره‌سه‌ركرنا گرفتارى یێن ئابوورى، جڤاكى، سیاسى و ئاسایشێ.
هه‌روه‌ها وه‌زاره‌تا ده‌رڤه‌یا ئه‌مه‌ریكایێ ته‌كه‌ز ل سه‌ر وێ یه‌كێ كر تا له‌شكه‌ر ده‌ستان ژ ده‌ستهلاتێ به‌رنه‌ده، ده‌موكراسى ژبۆ وى وه‌لاتى ڤه‌ناگه‌ره و جه‌زا یێن كو ل سه‌ر سانجو و فه‌رماندارێن دن یێن پێكانینا كوده‌تایا مالى و هوكوومه‌تا وى وه‌لاتى هاتنه سه‌پاندن، به‌رده‌وام دبن.
