(مه‌سروور بارزانی): "هێنانی هێزو جێبەجێنەكردنی دەستوورو ئاژاوەنانەوە، كەركوك لە كوردستان جیاناكاتەوە"
سه‌رۆكی ئاژانسی پاراستنی ئاساییشی هه‌رێمی كوردستان له وه‌ڵامی (مالیكی)ـدا ده‌ڵێت هێنانی هێز و ئاژاوه‌نانه‌وه و جێبه‌جێنه‌كردنی ده‌ستوور ناسنامه‌ی كه‌ركووك ناگۆڕێت.
سه‌رۆكی ئاژانسی پاراستنی ئاساییشی هه‌رێمی كوردستان (مه‌سروور بارزانی) له‌سه‌ر په‌یجه‌كه‌ی خۆی له "فه‌یس بووك" نوسیوویه‌تی هێنانی هێز و ئاژاوه‌نانه‌وه و جێبه‌جێنه‌كردنی ده‌ستوور ناسنامه‌ی كوردستانی كه‌ركووك ناگۆڕێت.
هه‌روه‌ك داوایشی له سه‌رجه‌م هێزه كوردستانییه‌كان كردووه كه مێژوویه‌كی پڕ له سه‌روه‌ری تۆمار بكه‌ن و به‌رگریی له ناسنامه و پێگه‌ی شاری كه‌ركووك بكه‌ن.
جێگه‌ی باسه سه‌رۆكوه‌زیرانی عێراق (نووری مالیكی) دوێنێ سه‌ردانی شاری كه‌ركووكی كرد و له‌وێ ڕایگه‌یاند كه كه‌ركووك شارێكی عێراقییه و نابێت هیچ ناسنامه‌یه‌كی دیكه‌ی به‌سه‌ردا زاڵ بكرێت.
