مه‌سروور بارزانى په‌یامێكى پیرۆزبایى ئاراسته‌ى سه‌رۆك و ئه‌ندامانى ئه‌نجوومه‌نى ڕوحانی و ته‌واوى كوردانى ئێزدى كرد
مه‌سرور بارزانى راوێژكارى ئه‌نجوومه‌نى ئاسایشى هه‌رێمى كوردستان له په‌یامێكى پیرۆزباییدا هاتنه‌وه‌ى جه‌ژنى چله‌ى هاوینى له سه‌رۆك و ئه‌ندامانى ئه‌نجوومه‌نى رووحانى و ته‌واوى كوردانى ئێزدى و باوه‌ڕدارانى ئایینى ئێزدى پیرۆز كرد ئه‌مه ده‌قه‌كه‌یه‌تى .
برێزان سه‌رۆك و ئه‌ندامێن جڤاتا رۆحانیا ئێزدیان سڵاڤێن گه‌رم ل وه بن. ب هه‌لكه‌تنا جه‌ژنا چله‌یا هاڤینێ پیرۆزباهى یێن هه‌رى گه‌رمێن خوه ب گه‌رمیا چله‌یا هاڤینا كوردستانێ پێشكێشى گه‌لێ كورد ب ئاواكى گشتى و ب تایبه‌ت برایێن مه ژ ئۆلپه‌رستێن ئێزدیاتیێ دكم و ژ خودێ مه‌زن دخوازم ئه‌ڤ جه‌ژن و هه‌موو رۆژ ب خێر و خوه‌شى لسه‌ر گه‌لێ مه ده‌رباس بن.
كوردێن ئێزدى د دیرۆكا گه‌لێ كوردستانێ ده ژبۆ دۆست و نه‌یاران خویاكریه كو ئه‌و ب راستى هه‌لگرێن بیر و باوه‌رێن ره‌سه‌ن یێن كوردایه‌تیێ نه و ته‌ڤى په‌ستۆ و ترساندن و عه‌ره‌باندنا ل هه‌مبه‌ر وان هاتیه پێكانین ژى؛ لێ ڤێ یه‌كێ ته‌نێ پیچه‌كێ ژ په‌یوه‌ندیا وان ب خاك و نه‌ته‌وه‌یا كورد ڤه كێم نه‌كر و د هه‌مبه‌ر ده رۆژ پشتى رۆژێ هه‌ست و دلسۆزیا وان ژبۆ خاك و نه‌ته‌وه‌یا كورد خورت تر كر و ب ڤێ یه‌كێ ژى هه‌موو پیلان و خه‌ونێن نه‌یاران ژناڤبرن.
جار دن جه‌ژنا چله‌یا هاڤینێ ل وه ته‌ڤان پیرۆز دكم و هیڤیخوازم ل ژێر سها كوردستانه‌كه ئازاد و ته‌نا رێوره‌سمێن خوه ب خوه‌شى و شادى پێكبینن.
خودێ مه‌زن گه‌لێ كوردستانێ ژ هه‌ر نه‌خوه‌شیه‌كێ بپارێزه و هه‌موو رۆژێن وه جه‌ژن و خوه‌شى و شادى بن.
برایى وه؛ مه‌سروور بارزانى.
