لایەنێن سیاسێن دهوكێ دخوازن كو دەستهەلاتا پارێزگەهێ بهێت وەكی یێ نوكە نەبن و لگورەی یاسایێ كار بكەتن

دهوك- kdp.info-هەتا نها ئەنجوومەنی پارێزگەها چ یاسا نەبوون كو كاری لسەر بكەن، لێ نها یا سایەك بو ئەنجوومەنی پارێزگەهێ هاتیە دانان كو دێ بنە چاڤدێر لسەر كاری پارێزگەرێ و گەلەك دەستهەلات هەیە ئانكو ئەڤەژی وێ چەندێ رادگەهینین كو پارێزگەهێ بهێت وەكێ یێ نوكە دەستهەلاتا رەها نابیت و دڤێت لگورەی یاسایێ كار بكەتن و بتنی دێ دەستهەلاتا جێبەجێكار هەبیت.

ئێك ژ سەركەفتیێن پارتی ژبو ئەنجوومەنێ پارێزگەها دهوكی (رزگار سدقی) بو kdp.infoدبێژیت: خەلكێ دەنگێ خوە یێ دایە مە دا ژبو خەلكی كار بكەین و لدیڤ وێ یاسایا بو ئەنجوومەنێ پاریزگەهان هاتینە دانان كو بەری نوكە ئەڤ یاسایە نەبوون زور دەستهەلات دایە ئەندامێن جڤاتی و ئەم دێ بینە چاڤدێر لسەر كارێن پاریزگەهێ.

ناڤبری دیاركر ژی كو دڤێت پارێزگەهێ بهێت لدیڤ یاسایێ كار بكەتن و هەمی كار و پروژەەێن پارێزگەها دهوكێ دجڤاتا پارێزگەهێ دا بهێنە گەنگەشەكرن و چ دبەرژەوەندیا خەلكێ پارێزگەها دهوكێ دایە ئەو بهێتە كرن.

دڤێ دەربارێ دا (سەباح بابیری) سەروكێ لیستا یەكگرتویا ئیسلامیا كوردستانی دجڤاتا پارێزگەها دهوكێ دا كو هێزا دووێ نە، بو kdp.infoدیار كر، دەستهەلاتا پارێزگەهێ بهێت یێ دهوكێ دچارچوڤە كرینە چونكێ دڤێت لدیڤ وێ یاسا یێ كاربكەتن ئەوا بو هاتیە دیاركرن چونكێ بەری نوكە چ یاساێن جڤاتی نەبوون و پارێزگەهێ  دەستهەلاتا رەها هەبوو لێ نوكە دەستهەلاتا پارێزگەهێ  پتر دێ بیتە جێبەجێكرن.

ناڤبری ئاشكەرا ژی كر، ئەگەر حكومەتا دهوكی ب یا  بنكەفراوان بیت دڤێت ئێك ژ هەر پێنج پوستێن سیادی بگرە ژ (پارێزگار و  هەردوو جێگرێن وی و سەروكێ جڤاتی و جێگری وی) بو هێزا دووێ بیت ئەو ژی یەكگرتویا ئیسلامیا كوردستانێ یە ، ئەگەر یا زورینە ژی بیت كو هێزا ئیكێ پارتی دیموكراتی كوردستانە كو حكومەتا دهوكێ پێك بینن وێ دەمێ ئەو دێ بنە ئوپوزسیون و دێ دیڤچوونا كارێن پارێزگە ها دهوكێ كەن و كێماسیان دەستنیشان كەن.

دلدار ئیبراهیم