10 ملیون دولار بو بجهكرنا پروژەیێن خزمەتگوزاری دناڤا كەمپا دومیز دا هاتنە تەرخانكرن
دهوك - KDP.info-ئەڤرو گرێبەستەكا هەڤپشك دناڤبەرا پارێزگەها دهوكێ و (ئیمانوێل ژینیاك) بەرپرسێ رێكخراوا یو ئێن ئێچ سی ئار ل كوردستانێ و (مالیزیو بابیلیو) بەرپرسێ رێكخراوا یو ئێن ئای سی ئی ئێف ل كوردستانێ ب كوژمێ (10) ملیون دولاران بو دروستكرنا رێكێن نافخو و سولینان د ناڤ كەمپا دومیز دا هاتە موركرن.
لدور گرێبەستێ تەمەر رەمەزان پارێزگەرێ دهۆكێ بۆ سازیێن راگەهاندنێ گۆت: ئەڤ گرێبەستە دناڤبەرا مە وەكو پارێزگەها دهۆكێ و رێكخراوێن UNHCRوUNICEFبگوژمەیێ 10ملیۆن دۆلاران هاتە مۆركرن و گۆت: هەلبەت بڤی پارەی 30كم یێن رێكێن ناڤخۆیی ل ناڤ كەمپا دۆمیز دگەل هندەك سۆلینێن سەر ئەرد دێ هێنەچێكرن و ئەڤ پڕۆژە دێ خەلكێ كەمپێ ژقەیرانەكا مەزن قورتالكەت، هەكە ڤان هەردو رێكخراوان ئەڤ كارە نەكربا ژی مە وەكو پارێزگەها دهۆكێ، ئانكو حوكمەتا هەرێما كوردستانێ بریار دابوو كو ڤی پڕۆژەی بجهـ بینین و بەری نوكە سەرۆكێ حوكمەتێ ئیعاز دابوو كو كو ئەڤ كارە بهێتە كرن، خۆشبەختانە ئەڤرۆ ئەو هاتن و پشكداری دڤی پڕۆژەی دا كر وپشكداریا وان دگەل مە دا گرنگیا خۆ هەیە، چونكو دێ بیتە هۆكار كو ئەو رێكخراو ولایەنێن دن یێن هاریكاریێ بۆ پەناهندا دكەن دێ هێنە هاندان كو پتر ببنە هاریكار بۆ ئەنجامدانا پڕۆژەیێن هوسا یێن هەڤپشك دناڤبەرا حوكمەتێ و رێكخراوێن نیڤ دەولەتیUNبكەن.
پارێزگەرێ دهۆكێ تەكەزكر كو دەمێ سەرۆكێ هەرێما كوردستانێ سەرا كەمپا دۆمیز دای تەكەزی ل سەر باشكرنا رەوشا پەنابەران كربوو هەروەسا سەرۆكێ حوكمەتا كوردستانێ ژی پشتەڤانییەكا زۆر بۆ پەنابەران كریە كو رەوشا وان بهێتە خۆشكرن، هەروەسا دیاركر كو بۆ ڤێ قۆناغێ ئەڤ پڕۆژە هەنە و بۆ قۆناغێن دن كار دێ هێتە كرن كو پەنابەر لبن خیڤەتا دەركەڤن ولناڤ كەرەڤانان بهێنە بنەجهكرن و گۆت: ئەز بباوەرم ب چێكرنا ڤان پڕۆژەیان دێ دلخۆشییەكا مەزن بۆ خەلكێ كەمپێ پەیدابیت، ئەڤ پڕۆژە وەكو ژێرخانەكێ نە بۆ كەمپا دۆمیز و دێ گەلەك گرنگیا خۆهەبیت، مەدگەل بەرپرسێن هەردو رێكخراوێن UNدانوستاندن كرینە كو ئەو پترڤان هاریكاریا بكەن وئەم ژی ژلایێ خۆڤە وەكو پارێزگەها دهۆكێ دێ هەڤكاربین كو پڕۆژەیێن هەڤپشك دگەل وان بجهبینین دا رەوشا پەنابەران باشتر لێ بهێت. سەبارەت رێژا پشكداریا حوكمەتا كوردستانێ د ڤی پڕۆژەیێ هەڤپشكدا، پارێزگەرێ دهۆكێ گۆت: ئەم وەكو حوكمەتا هەرێمێ دێ ب 4 ملیۆن دۆلاران پشكداریێ د ڤی پڕۆژەی دا كەین و بەری نوكە ئەڤ پارە ژلایێ سەرۆكێ حوكمەتا هەرێما كوردستانێ بۆ قەیرانێن ناڤ كەمپا دۆمیز هاتبوو بەردەستكرن وهەردو رێكخراوێن UNHCRو UNICEFئەوژی بگوژمەیێ 6ملیۆن دۆلاران دێ پشكدار بن.
دلدارئیبراهیم
