ھونەرمەند عەباسی کەمەندی کۆچی دوایی کرد
رۆژھەڵاتی کوردستان-KDP.info- ئەمڕۆ پێنجشەممە، بەھۆی نەخۆشییەوە ھونەرمەندی رۆژھەڵاتی کوردستان عەباسی کەمەندی کۆچی دوایی کرد.
سەرچاوەیەک ئاگادار بۆ kdp.infoگوتی: دوێنێ ئێوارە باری تەندروستیی ھونەرمەند عەباس کەمەندی تێک چووە و گەیندرایە نەخۆشخانەی تەوحید لە شاری سنەی ڕۆژهەڵاتی كوردستان، بەڵام بەرەیانی ئەمڕۆ بەھۆی سەختیی نەخۆشییەکەی کۆچی دوایی کرد.
سەرچاوەکە گوتیشی: بڕیارە ھەر ئەمڕۆ لە رێورەسمێکی شایستەدا تەرمەکەی بە خاک بسپێردرێت.
ھونەرمەند عەباسی کەمەندی تەمەنی 62ساڵە وخەلکی شاری سنەی رۆژھەڵاتی کوردستان وماوەی 35ساڵیش لەرادیۆیی دەنگی سنە کاریکردووە.
بڵند ئیبراھیم
