پەروین بوڵدان: حكوومەت و قەندیل داوای بەردەوامبوونی قۆناخی چارەسەری دەكەن
هەولێر--KDP.info پەرلەمانتاری هەدەپە، پەروین بوڵدان دەڵێت، لە كۆبوونەوەكانیان لەگەڵ بەرپرسانی قەندیل و حكوومەتی توركیا، بۆیان دەركەوتووە كە، هەر دوولا بەگەڵ بەردەوامیدان بە قۆناخی چارەسەرین.
پەرلەمانتاری پارتی دیموكراتیكی گەلان ( هەدەپە) پەروین بۆڵدان رۆژی چوارشەممە لە كۆنگرەیەكی رۆژنامەوانیدا رایگەیاند كە، هەفتەی رابردوو سەردانی قەندیلیان كردووە و لەگەڵ بەرپرسانی پەكەكەدا كۆ بوونەتەوە و، شەوی سێشەممەیش لەگەڵ چەند كاربەدەستێكی حكوومەتی توركیادا كۆبوونەوەیەكیان ئەنجام داوە.
بوڵدان ئاماژەی دا كە، لە كۆبوونەوەكاندا باس لە چۆنیێتی بەردەوامیدان و سەرخستنی قۆناخی چارەسەری پرسی كورد كراوە و حكوومەت و بەرپرسانی پەكەكەیش داوای بەردەوامبوونی قۆناخی چارەسەری دەكەن و بۆ ئەو مەبەستەیش هەر دوولا ئیرادە و بڕیاری خۆیانیان نیشان داوە.
جەختیشی كردەوە كە، رۆژانی داهاتوو سەردانی ئیمراڵیش دەكەن و لەگەڵ عەبدوڵلا ئوجەلاندا، لە سەر ناوەڕۆكی ئەو كۆبوونەوانە گفتوگۆ دەكەن.
هیوا ئەردەلان
