پەیەدە ئەندامێكی مەكتەبی سیاسیی پارتی دیموكراتی كوردستانی سووریای دەستگیر كرد
رۆژئاوای كوردستان-تایبەت بە KDP.info-درەنگانی شەوی رابردوو چەكدارانی پەیەدە هێرشیان كردە سەر ماڵی ئەندامێكی مەكتەبی سیاسیی پارتی دیموكراتی كوردستانی سووریا و دەستگیریان كرد، دەنگۆی ئەوەش هەیە رەوانەی هەرێمی كوردستان كرابێت.
ئەندامی مەكتەبی سیاسی پارتی دیموكراتی كوردستانی سووریا مستەفا جومعە، بە kdp.info-ی راگەیاند: پەیەدە لە دەستگیركردنی ئەندامانمان و بەردەوامە و تا ئێستا سێ ئەندامی سەركردایەتیی ئێمەی لە حەسەكە و دێریك و عەفرین دەستگیر كردووە.
مستەفا جومعە گوتیشی: پەیەدە هەوڵ دەدات رەوشی رۆژئاوای كوردستان تێك بدات و شەڕی كوردكوژی ڕوو بدات.
ئەو ئەندامەی مەكتەبی سیاسیی پارتی دیموكراتی كوردستانی سووریا زیاتر گوتی: شەوی رابردوو سەعات یەكی شەو چەكدارانی پەیەدە چوونەتە سەر ماڵی ئەندامی سەركردایەتیی پارتی دیموكراتی كوردستانی سووریا بەشار ئەمین و لە ماڵەكەی خۆیدا دەستگیریان كردووە، دەنگۆی ئەوەش هەیە رەوانەی هەرێمی كوردستان كرابێت، بەڵام تاوەكو ئێستا هیچ هەواڵێكی نییە.
بڵند ئیبراهیم
