سەرۆكی هەرێمی كوردستان پێشوازی لە بریكاری وەزارەتی پێشمەرگە کرد
ئەمڕۆ چوارشەممە لە سەڵاحەدین، سەرۆكی هەرێمی كوردستان، مەسعوود بارزانی پێشوازی لە بریكاری وەزارەتی پێشمەرگەی حكوومەتی هەرێمی كوردستان، ئەنوەری حاجی عوسمان و ژمارەیەك كادیری سەربازی و پێشمەرگەی دێرین كرد.
لەم دیدارە شاندی میوان خۆشحاڵیی خۆیان بۆ دیدار لەگەڵ سەرۆك بارزانی ڕاگەیاند و قسە لەبارەی بارودۆخی پێشمەرگەی كوردستان كرا و سەرۆك بارزانیش هیوای سەركەوتنی بۆ خواستن.
