سەرۆكی هەرێمی كوردستان پێشوازی لە عادل عەبدولمەهدی کرد

ئەمڕۆ سێشەممە 13ـی 5ـی 2014 لە سەڵاحەددین سەرۆكی هەرێمی كوردستان، مەسعوود بارزانی، پێشوازی لە سەركردە لە ئەنجوومەنی باڵای ئیسلامی لە عێراق، عادل عەبدولمەهدی کرد.

لە دیدارێكدا بارودۆخی سیاسی و ئەمنیی عێراق خرایە بەر باس و گفتوگۆ و باسی پڕۆسەی هەڵبژاردنی ئەنجوومەنی نوێنەرانی عێراق لە 30ـی نیسانی ڕابردوو كرا و عادل عەبدولمەهدی وێنەیەكی گشتی لە پرۆسەی هەڵبژاردن لە باشووری عێراق بۆ سەرۆك بارزانی خستەڕوو. هەروەها باسیش لە چۆنییەتی بەڕێوەچوونی هەڵبژاردن و پێشبینییەكان بۆ ئەنجامی هەڵبژاردن كرا.

هەر لەم دیدارەدا ئاییندەی سیاسیی عێراق لەژێر ڕۆشنایی ئەنجامەكانی هەڵبژاردن تاوتوو كرا.