د هەیڤا چواردا پتری 88هزار رێڤینگ هاتینە دناڤ هەرێما كوردستانێ دا
زاخو-KDP.info- د هەیڤا چوار یا ئەڤ سالەدا، پتری 178 هزار رێڤینگان، ب رێیا كومەلگەها دەروازێ نیڤدەولەتی ئیبراهیم خەلیل هاتن و چوون كری یە، كۆ بەراورد دگەل هەیڤا ئادارێ رێژا رێڤینگان كێم بوویە.
به‌رپرسێ راگه‌هاندنا ده‌روه‌ازه‌یا نیڤده‌له‌تیا ئیبراهیم خلیل (نه‌جمه‌دێن نیروه‌ی ) بو kdp.info دیاركر، ب گورەی ئامارا نڤیسینگەها ئاكنجیبوون و پاسپورتا ئیبراهیم خەلیل، د ماوێ هەیڤا نیسانا ئەڤ سالەدا، 178 هزار و 823 رێڤینگان ب رێیا دەروازێ نیڤدەولەتی ئیبراهیم خەلیل هاتن و چوون كری یە.
به‌رپرسێ راگه‌هاندنا ده‌روه‌ازه‌یا نیڤده‌وله‌تیا ئیبراهیم خلیل گوت ژی، ژ ڤێ رێژێ، 88 هزار و 248 رێڤینگ هاتینە دناڤ هەرێما كوردستانێ دا، ژ ڤاناژی 28 هزار و 81 كەس هەلگرێن پاسپورتێن عراقی، 54 هزار و 792 كەس هەلگرێن پاسپورتێن توركی و 5 هزار و 375 كەس ژی هەلگرێن پاسپورتێن جورا و جور بووینە.
هەروەسا 90 هزار و 575 رێڤینگ ژی ژ هەرێما كوردستانێ بەرەڤ وەلاتێ توركیا و وەلاتێن دیتر چووینە، كۆ ژ وانا 51 هزار و 81 رێڤینگ هەلگرێن پاسپورتێن توركی، 33 هزار و 971 رێڤینگ هەلگرێن پاسپورتێن عراقی و 5 هزار و 523 رێڤینگ ژی هەلگرێن پاسپورتێن جوراوجور بووینە. نه‌جمه‌دێن نیروه‌ی ئاشكه‌را ژی كر ،هاتنا رێڤینگێن بیانی ل هەیڤا چوار، بەراورد دگەل هەیڤا ئادارێ، رێژە كێمتر بوویە، ئەڤەژی ل هەیڤا نیسانێ 178 هزار و 823 رێڤینگان هاتن و چوون كری یە و بەراورد د هەیڤا ئادارێ دا 202 هزار و 845 رێڤینگان هاتن و چوون كربوو، ئەڤەژی ڤەدگەریت بۆ وان هەلكەڤتێن ئادار و نەورۆزێ ل هەرێما كوردستانێ و وەرزێ كەسكاتیێ.
دلدارئیبراهیم
