پەیەدە ناهێلن پتر ژ 200 پەنابەرێن روژئاڤا ڤەگەرنە سەر جه و مالێن خوە
دهوك-KDP.info- ئەڤە بو دەمی دوو روژانە پتر ژ 200 پەنابەرێن كوردێن روژئاڤا لسەر خالا سێمالكا ئەوا دنا ڤبەرا باشورێ كوردستا نی و روژئاڤایێ كوردستا نێ ماینە و ل رەخێ روژئاڤا ڤە كو نها ددەستێ پەیەدێ دایە و بو مەرەمێن نوژداری و سەردان هاتبوونە باشورێ كوردستانێ، ناهێلن بچنە سەر جه و مالێن خوە ل روژئاڤایێ كوردستانێ.
رێڤەبەرێ خالا سنوریا پێشابوری، شەوكەت بەربهاری، بوkdp.info گوتی، "خالا سێمالكا ل رەخێ روژئاڤا ڤە ددەستێ پەیەدێ دایە و رەخێ باشوری ڤی ددەستێ حكومەتا هەرێمێ دایە و، ژلایێ مە دەرگەه یێ ڤەكریە بو هەر هاریكاریەكێ ژبو پەرنابەرێن روژئاڤایێ كوردستانێ چ ل باشور بچنە روژئاڤا و بەروڤاژی ڤێ چەندێ ژی لێ دەرگەهێ سێمالكا ژلایێ روژئاڤاڤە یێ هاتیە گرتن و ناهێلن هاتن و چوون بهێتە كرن.
ناڤبری دیاركر ژی كو ئەڤە بو دەمێ دوو روژانە نێزیكی 200 پەنابەرێن روژئاڤا ل رەخێ باشوری نە كو بومەرەمێن نوژداری و سەرەدان هاتبوونە هەرێما كوردستانێ و دڤێن بچنە لایێ روژئاڤا ڤە سەر مال و جهێن خوە لێ رێك ل دەرگەهێ سێمالكا ژلایێ روژئاڤا ڤە لێ هاتیە گرتن و ناهێلن دەرباسێ لایێ دیتر ببن.
ئاشكەرا ژی كر ، "مە پەیوەندی ب لایێ روژئاڤا ڤە كر كو ددەستێ پەیەدێ دایە كو رێك بو ئەڤان پەنابەران بهێتە ڤەكرن، لێ گوتی بریار ل سەركردایەتیا پەیەدێ هاتیە كو رێكی ب كەسێ نەدەن كو هاتن و چوونی ل دەرگەهێ سێمالكا بكەتن.
دلدار ئیبراهیم
