ژبو جڤاتا پارێزگه‌ها دهوكێ پارتى بو خودانا 19 كورسیكان
دهوك-KDP.info- جۆدا كرنا دەنگدانێن گشتی و دەنگدانێن تایبەتێن پارێزگه‌ها دهوكێ ژبوجڤاتا پارێزگه‌ها دهوكێ بدوماهیك هاتن و، ل گوره‌ى زانیارێن گه‌هشتێنه ده‌ستێ مه ژلایێ لایه‌نێن سیاسى ێن پارێزگه‌ها دهوكێ، پارتى دیموركاتى كوردستان درێزا ئیكێ دهێت و بو خودانا 19 كورسیكان بۆ ئەنجوومەنێ پارێزگه‌ها دهوكێ.
به‌رپرسێ نڤیسینگه‌ها هه‌لبژارتنێن لقا 1 پارتى لدهوكێ، عه‌لى به‌ندى، بو kdp.info دیاركر، جۆدا كرنا دەنگدانێن گشتی و دەنگدانێن تایبەتێن ێن پارێزگه‌ها دهوكێ ژبوجڤاتا پارێزگه‌ها دهوكێ بدوماهیك هاتن و پارتى دیموركاتى كوردستان درێزا ئیكێ دهێت و (343 هەزار و 192 دەنگ) بده‌ست ئێخستینه وبو خودانا 19 كورسیكان بۆ ئەنجوومەنێ پارێزگه‌ها دهوكێ.
دیسان نڤسیسنگه‌هێن هه‌لبژارتنێن لایه‌نێن سیاسى ێن پارێزگه‌ها دهوكێ بو kdp.info ئاشكه‌راكرن، كو پارتی دیموكراتی كوردستان: 343 هەزار و 192 دەنگ درێزا ئیكێ دهێت، یەكگرتوویا ئیسلامیا كوردستانى: 59 هەزار و 831 دەنگ درێزا دووێ دهێت،
یەكێتیا نیشتمانییا كوردستانى: 37 هەزار و 901 دەنگ درێزا سیێ دهێت، بزاڤا گۆڕان: 23 هەزار و 583 دەنگ درێزا چارى دهێت. كۆمەڵا ئیسلامی كوردستان: 4 هەزار و 221 دەنگ پلا پینجى دهێت.
دیسان ژبو چاوانیا دابه‌شكرن و ده‌ست ئێخستنا كورسكێن جڤاتا پارێزگه‌ها دهوكێ ژلایێ لایه‌نێن سیاسى ڤه بڤى ره‌نگى نه: پارتی دیموكراتی كوردستان: 19 كورسی، یەكگرتوویا ئیسلامیا كوردستانى: 3 كورسی ،یەكێتییا نیشتمانییا كوردستانى: 2 كورسی
بزاڤا گۆڕان: 1 كورسی.
دلدار ئیبرهیم
