سەرۆكی ھەرێمی كوردستان جەژنی چلەی هاوینی خوشك و برا كوردە ئێزدییەكان پیرۆز دەكات
به بۆنه‌ی جه‌ژنی چله‌ی هاوینی خوشك و برا كورده ئێزدییه‌كانه‌وه، سەرۆكی هەرێمی كوردستان بروسكەیەكی پیرۆزباییان ئاراستە دەكات، ئەمەش دەقەكەیەتی:
به ناوی خوای مه‌زن و دلۆڤان
به بۆنه‌ی جه‌ژنی چله‌ی هاوینی خوشك و برا كورده ئێزدییه‌كانه‌وه ، پیرۆزباییه‌كی گه‌رم ئاراسته‌ی سه‌رجه‌م ئێزدیانی كوردستان و جیهان ده‌كه‌م .
هیوادارم ئه‌م جه‌ژنه‌یان هه‌موو ساڵێ به خێروخۆشی و كامه‌رانی له كوردستانی سه‌رفراز و له سایه‌ی ئه‌زموونی دیموكراتی هه‌رێمی كوردستاندا بۆ بگه‌ڕێته‌وه.
مسعود بارزانی
سه‌رۆكی هه‌رێمی كوردستان
1/8/2012
