پارتی لدهوكێ ژبو جڤاتا نوینەرێن عیراقێ 8 كورسی مسوگەر كرینە
دهوك-KDP.info- لدیڤ دوماهیك ئامارێن جوداكرنا دەنگان لسنورێ پارێزگەها دهوكێ پارتی دیموكراتی كوردستان ب رێزا ئێكی دهێت لسەر لیستێن دیتر.
دڤێ دەربارێ دا (مەسعوود سەرنی) بەرپرسێ راگەهاندنا لقێ 1پارتی بو kdp.info گوتی: لسنورێ پارێزگەها دهوكێ پارتی دیموكراتی كوردستان ب رێزا ئێكی دهێت لسەر لیستێن دیتر ێن سیاسی و بڤی رەنگی ژبو جڤاتا نوینەرێن عیراقێ هەر ئێك ژ پارتی دیموكراتی كوردستان 325000 هزار دەنگ دیسان ژبو جڤاتا پارێزگەها دهوكێ پارتی دیموكراتی كوردستان 322000 هزار دەنگ بدەست خوڤە ئیناینە.
دیسان ناڤبری دیاركر، ژبو جڤاتا نوینەرێن عیراقێ لسنورێ پارێزگەها دهوكێ لسەر لیستا پارتی بەربژیرا پارتی دیموكراتی كوردستان (نەجیبە نەجیب) كو پتر ژ 24 هزار دەنگ بدەست خوڤە ئیناینە و ریزا ئیكێ دهێت و (خەسرو گوران) كو پتر ژ 20 هزار دەنگ بدەست خوڤە ئیناینە رێزا دووی دهێت ئانكو لدهوكێ پارتی 8 كورسی مسوگەر كرینە.
بەرپرسێ راگەهاندنا لقێ 1پارتی ئاشكەرا ژی كر، ژبو جڤاتا پارێزگەها دهوكێ بەربژیرێ پارتی دیموكراتی كوردستان (فەرهاد ئەتروشی) كو ب رێزا ئیكێ دهێت 35788 هزار دەنگ بدەست خوڤە ئیناینە و (فهیم عیداللە حمو) كو پتر ژ 32 هزار دەنگ بدەست خوڤە ئیناینە كو رێزا دووی دهێت.
