عەدنان کەرکووکی: هەوڵێک هەیە دەستکاری دەنگەکان بکرێت... دەنگەکانمان زۆر زیادی کردووە

کەرکووک- تایبەت بە kdp.info- گوتەبێژی ئەنجوومەنی سەرکردایەتیی پارتی دیموکراتی کوردستان کەرکووک- گەرمیان دەڵێت، بەراورد بە ھەڵبژاردنی رابردوو دەنگەکانمان زۆر زیادی کردووە، هاوکات گوتی کە هەوڵێک هەیە بۆ دەستکاریکردنی دەنگەکان بەڵام ڕێگری لێ دەکەن.

 ^{گوتەبێژی ئەنجوومەنی سەرکردایەتیی پارتی دیموکراتی کوردستان کەرکووک-گەرمیان، عەدنان کەرکووکی، بە kdp.info-ی راگەیاند: بەپێی ئەنجامە بەراییەکان کە تا ئێستا جیا کراونەتەوە، لە سنووری کەرکووک و لە رێگەی بریکارەکانی خۆمانەوە بە دەستمان گەیشتووە، خەڵکی کەرکووک جارێکی دیکە متمانەی بە پارتی دیموکراتی کوردستان بەخشییەوە.}

^{کەرکووک گوتیشی: رێژەی دەنگەکانمان بەراورد بە هەڵبژاردنی پێشوو پێشوەچوونێکی زۆر باشی بەخۆیەوە بینیوە، بەڵام ھەوڵێک ھەیە بۆئەوەی دەستکاریی دەنگەکان بکرێت، بەڵام ئێمە زۆر بە وردی چاودێری دەکەین بۆ رێگریکردن لە دەستکاریکردنی دەنگەکان.}

^{بڵند ئیبراھیم}