رێژا دەنگدانێ لسنورێ پارێزگەها دهوكێ بڤی رەنگێ بوون

دهوك-KDP.info-ئەڤرو لدەمژمیر 7 سپێدێ دەرگەهێن بنگەهێن دەنگدانێ ژبوی هاولاتیان هاتنە ڤەكرن ژبوی هەلبژارتنێن جڤاتا نوینەرێن عیراقێ و جڤاتا پارێزگەهان ولسنورێ پارێزگەها دهوكێ 256 بنگەهێن دەنگدانێ هاتینە ڤەكرن وبرەنگەكی ئاسایی ودوور ژ هە پیشیلكاریەكی خەلكەكێ بەشداری دڤێ پروسسێ دا كر ورێژا بەشداریا خەلكێ دڤان هەلبژارتنان دا تاكو دەرگەهێن بنگەهێن دەنگدانێ و صندوقان لدەمژمێر 6 ئێڤاری هاتینە گرتن گەهشتە 65%.

دڤێ دەربارێ دا عەلی بەندی بەرپرسێ مەكتەبا هەلبژارتنێن لقێ 1 پارتی لدهوكێ بو kdp.infoدبێژیت : هەتا داخستنا بنگەهێن دەنگدانێ و صندوقان لدەمژمێر 6 ئێڤاری پروسسا دەنگدانێ لسنورێ پارێزگەها دهوكێ برەنگەكی ئارام وئاسایی برێڤەچوویە.

ناڤبری دیاركر ژی كو ئاریشا هەرە مەزن لدەڤ مە ئانكو لسنورێ پارێزگەها دهوكێ ئەوبووكو ئامیرێ ئەلكترونی برەنگەكێ باش كار نەدكر وتایبەت گیروبوونا خەلكێ وێن دانعەمر كو گەلەك دەم ب وان ڤە دچوو لێ برەنگەكێ گشتی پروسسا هەلبژارتنان لسنورێ پارێزگەها دهوكێ ب ئاسایێ برێڤە چوو دوور ژ هەر پێشیلكاریەكێ.

لێ رێژا بەشداریا خەلكێ دڤان هەلبژارتنان لدێڤ مەكتەبێن هەلبژارتنێن لقێن پارتێ لسنورێ پارێزگەها دهوكێ بڤی رەنگێ بوون (ل سەنتەرێ پارێزگەها دهوكێ 65%،و قەزا ئامێدیێ 70%، و قەزا زاخو 90%، و قەزا ئاكرێ 81% و قەزا سێمێل 60%، و قەزا شێخان 67% وقەزا بەردەرەش 78%) .

دڵدار ئیبراهیم