هژمارەكا مەزنا دەنگدەرێن كورد ل ئەلمانیا نكارین دەنگێن خوە بدن

ئەلمانیا - KDP.info- دووهی ل یەكەمین رۆژا پرۆسیسا دەنگدانێ بۆ پەرلەمانێ عێراقا فەدرال چەندین گرفتاری دەركەتن ژ ئالیێ كۆمسیۆنێ ڤە بۆ دەنگدەرێن كورد ل ئەلمانیا ب تایبەتی گرفتاریێن بەلگەنامەیێن عێراقێ.

شێخ خەلات موراد بەرپرسێ لێژنا ناوچا هانۆڤەر یا پارتی بۆ KDP.infoگۆت ل یەكەمین رۆژا پرۆسیسا دەنگدانێ، كۆمسیۆنێ ل ویستگەها باژارێ كۆلن بۆ ماوەیەكە دەرگەهێ ویستگەهێ قەبات كرن و زێدەباری ئاریشەیا بەلگەنامەیێن عێراقی كو رێگری ل دەنگدەرێن كورد و ب تایبەتی پتریا وان دەنگدەر و هاندەرێن پارتی دیموكراتی كوردستانی بوون.

ژ لایەكی دنڤە سەرحەد غەفوری بەرپرسێ لێژنا فرانكفۆرت یا پارتی بۆ KDP.infoداخوەیاكرن كو كۆمسیۆنێ بەریا نەها راگەهاند بوو كو هەر بەلگەنامەیاكا عێراقی پێ بت دكارت دەنگی بدەت لێ مخابن ل رۆژا دەنگدارنی بەلگەنامەیا كو دبێژنێ ب زمانێ عەرەبی ( صورە القید ) نە هاتە قەبوولكرن و زێدەباری چەندین گرفتاریێن دیتر.

دووهی ب ئاوایەكی زۆر مەزن رەڤەندا كورد بەشداری پرۆسیسا دەنگدانێ بوون و هنەك ژ وان بدوراتیا سەدێن كم هاتبوون و ب ئالیێ زەرێ پارتی و ئالایێ كوردستانێ و سەرۆك بارزانی خوە خەملاندبوون و ئاهنگ و خۆشی دگێران.

هەژار مدیر - ئەلمانیا