51 ده‌زگه‌هێن راگه‌هاندنی و761 چاڤدێران ناڤێن خوه تۆماركرینه بۆ چاڤدێریا پرۆسا هه‌لبژارتنان لدهوكی
دهوك-KDP.info/ كۆمسیۆنا بلندا سه‌ربخۆیا هه‌لبژارتنان ئوفیسا دهۆكێ دیاركر كو هه‌تا نوكه 51 ده‌زگه‌هێن راگه‌هاندنێ ناڤێن خوه تۆماركرینه بۆ چاڤدێریا پرۆسا هه‌لبژارتنان و پێنچ رێكخراوێن جڤاكێ مه‌ده‌نی ژی ل دهۆكێ ناڤێن خوه تۆمار كرینه.
به‌رپرسێ په‌یوه‌ندی و راگه‌هاندنا ئوفیسا دهۆك یا كۆمسیۆنا هه‌لبژارتنان (سه‌گڤان دێرشه‌وی) بو kdp.infoدیاركر، هه‌تا نوكه 51 ده‌زگه‌هێن راگه‌هاندنێ ناڤێن خوه تۆماركرینه بۆ چاڤدێریا پرۆسا هه‌لبژارتنان و پێنچ رێكخراوێن جڤاكێ مه‌ده‌نی كو ژ وان 51 ده‌زگه‌هێن راگه‌هاندنی171 رۆژنامه‌ڤان تۆماركرینه و هه‌ر ده‌زگه‌هه‌كی هنده‌ك رۆژنامه‌ڤان دێ باجێن كۆمسیۆنێ بۆ وان هێنه دان بۆ چاڤدێریا پرۆسا هه‌لبژارتنان، گۆت ژی رێكخراوێن جڤاكێ مه‌ده‌نی ناڤێن 761 چاڤدێران تۆماركرینه و به‌رده‌وام ده‌زگه‌هێن راگه‌هاندنێ و ریكخراو یێن ناڤێن خوه تۆمار دكه‌ن بۆ چاڤدێریا هه‌لبژارتنان، هه‌تا به‌ری هه‌لبژارتنان ژی دشێن خوه تۆمار بكه‌ن و ده‌رگه‌ه یێ ڤه‌كریه بۆ خوه تۆماركرنێ.
به‌رپرسێ په‌یوه‌ندی و راگه‌هاندنا ئوفیسا دهۆك یا كۆمسیۆنا هه‌لبژارتنان هه‌روه‌سا گۆت بریكارێن قه‌وارێن سیاسی و چاڤدێرێن نشتیمانیی ژی هاتینه تۆماركرن بۆ چاڤدێریا هه‌لبژارتنان، دیار ژی كر كو هه‌ر ده‌زگه‌هه‌كێ راگه‌هاندنێ خوه تۆمار نه‌كه‌ت نه‌شێت چاڤدێریا پرۆسا هه‌لبژارتنان بكه‌ت.
دڵدار ئیبراهیم
