كارتێن ئه‌لكترونی یێن وه‌لاتیان ئه‌وێن ل ده‌مێ بوری دا نه‌هاتین ئه‌ڤرو گه‌هشتنه كومسیونا دهوكی
دهوك-/KDP.infoئوفیسا دهوك یا كومسیونا بلندا سه‌ربه‌خویا هه‌لبژارتنان راگه‌هاند كو كارتێن ئه‌لكترونی یێن وه‌لاتیان ئه‌وێن ل ده‌مێ بوری دا نه‌هاتین ئه‌ڤرو گه‌هشتنه پارێزگه‌ها دهوكێ و، وه‌لاتیێن پارێزگه‌ها دهوكێ دشێن سه‌ره‌دانا بنگه‌هێن توماركرنێ بكه‌ن ژبو وه‌رگرتنا كارتێن خو یێن ئه‌لكترونی دا كو ژ مافێ خو یێ ده‌نگدانێ بێ به‌هر نه‌بن.
یوسف سەلمان، رێڤەبەرێ گشتیێ ئۆفیسا دهوك یا کۆمسیونا هەلبژارتنان ل دهۆکێ بۆkdp.infoراگه‌هاند، د سێ رۆژێن بۆری دا 9955 كارتێن ده‌نگدانێ ژ كۆمسیۆنا بلندا سه‌ربه‌خۆیا هه‌لبژاڕتنان ل به‌غدا گه‌هشتینه ئۆفیسا دهۆكێ و رێژه‌یا وان ده‌ربه‌ده‌رێن ناڤێن خوه تۆماركرین و كارتێن وان نه‌هاتین لسه‌ر بنگه‌هێن به‌لاڤكرنا كارتان هاتینه پارڤه‌كرن، گۆتژی رێژه‌یا سه‌ره‌دانا بنگه‌هێن كارتێن ده‌نگدانێ ژی 87% ێ یه و بۆ ده‌نگدانا تایبه‌ت ژی 97% ێ و پرۆسه ب باشی ب رێڤه دچیت.
ناڤهاتی دوپاتكر، گه‌هاندنا ئه‌نجامێن هه‌لبژارتنان دێ ب هه‌ر دو رێكێن ئه‌لكترۆنی و حوبری ژی بیت.
دڵدار ئیبراهیم
