دوو سه‌رۆك ژوورێن بازرگانییین توركیا و دهوكێ پروتوكوله‌كا تێكگه‌هشتنێ و چاره‌كرنا ئاریشان ئێمزا كر
دهوك-KDP.info/ب مه‌ره‌ما خورتكرنا ره‌وشا بازرگانیێ د ناَڤبه‌را باژێرێن قزلته‌په و دهۆكێ ئه‌ڤرۆ شانده‌كێ بازرگانی یێ باژێرێ قزلته‌په ل وه‌لاتێ توركیا كو پێك هاتبون ژ بیست وپێنج بازرگانان ب سه‌رۆكایه‌تیا )مه‌حمود دوندار (سه‌ره‌دانا ژوورا بازرگانی و پیشه‌سازی یا دهۆكێ كر و ژلایێ سه‌رۆك و ئه‌ندامێن ژوورێ ڤه هاتن پێشوازیكرن.
د روینشتنه‌كێ دا )ئه‌یاد حه‌سه‌ن عه‌بدولحه‌لیم (سه‌رۆكێ ژوورا بازرگانی و پیشه‌سازی یا دهۆكێ د په‌یڤا بخێرهاتنێ دا دیاركر، كو بازرگانیا هه‌رێما كوردستانێ دگه‌ل پارێزگه‌ه و ده‌ڤه‌رێن كوردی ل وه‌لاتێ توركیا یا د ره‌وشه‌كا گه‌له‌ك پێشكه‌فتی دایه ژبه‌ر یه‌ك كه‌لتوری و یه‌ك زمانی و نێزیك بونا ده‌ڤه‌رێن كوردی یه، لێ سه‌رۆكێ ژوورێ خواست كو بهێن تایێن كومپانیێن خوه ل هه‌رێما كوردستانێ ڤه‌كه‌ن، و به‌ری بریكاریا به‌رهه‌مێ خوه بده‌نه بازرگانه‌كی سه‌ره‌دانا ژوورا بازرگانی بكه‌ن داكو ئه‌و ژی كه‌سانێن بازرگانێن دروست و رێكێن دروست نیشا وان بده‌ن.
مه‌حمود دوندار سه‌رۆكێ شاندێ بازرگانی یێ قزلته‌په خوشحالیا خوه ل به‌رامبه‌ری پێشنیارێن سه‌رۆكێ ژوورابازرگانی یا دهۆكێ ده‌ربرین و دیاركر كو پرانیا بازرگانیا قزلته‌په دگه‌ل پارێزگه‌ها دهۆكێ یه، ژبه‌ر هندێ ئه‌ڤرۆ شاندێ مه ل دهۆكێ یه.
ل داویێ ژی هه‌ر دوو سه‌رۆك ژوورێن بازرگانی پروتوكوله‌كا تێكگه‌هشتنێ یا پێك هاتی ژ پێنچ خالان كو ژوانا پێكگوهارتنا پێزانیان و یا دیتر هاریكاركرنا هه‌ڤدوو د چاره‌كرنا ئاریشان دائێمزا كر.
دڵدار ئیبراهیم
