هێمن هەورامی: لە ئەورووپا پارتی دیموكراتی كوردستان هێزی یەكەمە
ئەندامێ سەركردایەتیا پارتی دیموكراتی كوردستان و سەرپەرشتێ پارتی بۆ هەلبژارتنێن داهاتوویێ پەرلەمانێ عێراقێ ل ئەورووپا و ئەمریكا گەشبینە كە "پارتی" ل هەمی وەلاتێن ئەورووپا سەركەفتنەكا زۆر مەزن بدەست ڤەدهینت.
لە میانەی چالاكیا هەردوو لێژنێن پارتی دیموكراتی كوردستان "هانۆڤەر و دیسلدۆرف"، هێمن هەورامی تایبەت بۆ KDP.infoئاخڤی و گۆت: پارتی دیموكراتی كوردستان ل وەلاتێن ئەورووپی هێزی یەكەمە و ئەم دگەشبینن بۆ ڤان هەلبژارتنان.
هەورامی د سمینارا كو ژبال هەردوو لێژنێن پارتی دیموكراتی كوردستان "دیسلدۆرف و هانۆڤەر" سەر ب لەقێ شەش ڤە هاتی رێكخستن، چەندین تەوەرێن گرنگ باس كرن ژ وانە پەیوەندیێن كوردستانێ دگەل عێراقێ و رەوشا ناڤخۆیا كوردستانێ و پێكئانینا كابینەیا نوو یا حكومەتێ و رەوشا رۆژئاڤایێ كوردستانێ و كۆنگرا نەتەوەیی و ل دوماهیێ ژی باسێ هەلبژارتنێن داهاتوو كر.
سەبارەت بە هەلبژارتنێن داهاتوو یێن پەرلەمانێ عێراقێ، وی ئەندامێ سەركردایەتیا پارتی ئاماژە دا هندێ كو دبیت جارا دوماهیكێ بت كورد دەنگی بۆ پەرلەمانێ عێراقێ بدن لدەمەكی ئەگەر گۆڕانكاری ل عێراقێ پەیدا نەبن ژ روویێ سیاسی و دەستهەلاتێ و عەقلیەتا حكمداریێ ڤە، گۆت ژی ئەگەر عەقلیەت هەر یا نووكە ما، كە واتا لوی دەمی سەرۆك بارزانی و سەركردایەتیا كوردستانی چەندین رێكێن ستراتیجیك وێ بگرنە بەر.
دەربارەی سەنگ و هێزا پارتی ل ئەورووپا، هێمن هەورامی ب "پتریا بێ دەنگ" وەسف كر و گۆت: ئەم یەكەمن ل ئەورووپا و دڤیا ئەم هێزا خوە دڤان هەلبژارتنان دیار بكن ل ئەورووپا و بۆ مە زۆر گرنگە و دەرفەتەك زێڕینە.
هەژار مدیر
