بنگەهێ لالش دەنگ دان ب لیستا پارتی دیموكراتی كوردستان دووپاتكر
ئەلمانیا تایبەت ب KDP.info/بنگەهێ لالش یێ رەوشەنبیری و كۆمەلایەتی – ئەلمانیا كە تایبەتە بكوردێن ئێزدی داخوازا گشت ئەندام و لایەنگەرێ بنگەهێ لالش ل ئەۆروپا بەشداریەكا ئەكتیڤ ل پرۆسسا هەلبژارتنێن پەرلەمانێ عێراقێ دا بكن و دەنگ ب لیستا هەڤپەیمانیا كوردستانێ و پارتی دیموكراتی كوردستان بدن .
خەلات شێخ موراد سەرۆكێ بنگەهێ لالش یێ رەوشەنبیری و كۆمەلایەتی – ئەلمانیا لێدوانەكا تایبەت دا بۆ دووپات كر كو گشت ئەندام و لایەنگەرێ بنگەهێ لالش ل ئەۆرپا دەنگ ێ وان بۆ لیست و بەربژێرێن پارتی دیموكراتی كوردستانن .
شێخ خەلات ئیماژە دا وەفاداریا ئێزدیان ژبۆ رێبازا پیرۆزا بارزانی و گۆت : ئێزدی باوەریا وان ب دەستهەلاتا حەكیمانەیا بارزانی یە و سەرۆك مسعود بارزانی بەرپرسێ پرۆسسا بهەڤرا ژیان و لیبَۆرینا ئاینی یە، و لگۆر دیتنا سەرۆكێ بنگەهێ لالش – ئەلمانیا هەبوون و ب هێز بوونا لیستا هەڤپەیمانیا كوردستانی و بەربژێرێن پارتی ل نەینەوا سەركەتنا ئێزدیانە ژبەر هندێ هیڤی خوەست دەنگ ب لیستا هەڤپەیمانیا كوردستانێ و بەربژێرێن پارتی دیموكراتی كوردستان بدن .
هێژایی گۆتنێ بنگەهێ لالش – ئەلمانیا ل سالا 2007 لسەر دەستێ كۆمەكا چالاكڤان و رەوشەنبیر و خەمخۆرێ كلتۆرێ رەسەنێ كوردی هاتیە دامەزراندن و ئەندامێن وان لسەر پرانیا باژێرێن ئەلمانیا بەربەلاڤن و ژ گرنگترین كار و خەباتا وان پاراستن و پێشدابرنا ئێزدیاتیێ و فێركرنا زارۆكێن ئێزدیان ل ئەۆرپا بزمانێ كوردی و كلتۆرێ رەسەنێ كوردی و بەرزكرنا هەستێ نەتەوەیەتیە دناڤ جڤاكا رەڤەندا كوردی دا ل ئەۆرپا .
هەژار مدیر
