رێكخراوه‌كانی كۆمه‌ڵگای مه‌ده‌نی نیگه‌رانی خۆیان له هاتنی سوپای عێراق بۆ ده‌ڤه‌ری زوممار ده‌ربڕی
گروپى شه‌ش كه له چه‌ندین ڕێكخراوى كۆمه‌ڵگه‌ى مه‌ده‌نى پێك دێت، له‌هه‌مبه‌ر له‌شكركێشى سوپاى عێراق داواى هه‌ڵوێست ده‌كه‌ن و له‌م باره‌یه‌شه‌وه به‌یاننامه‌یه‌كیان بڵاوكرده‌وه.
له به‌یاننامه‌كه‌دا هاتووه له هه‌مبه‌ر ئه‌و بارودۆخه‌ى ئێستاى هه‌رێمى كوردستان و له‌شكركێشیه‌كه‌ى سوپاى عێراق، گروپى شه‌ش كه له چه‌ندین رێكخراوى كۆمه‌ڵگه‌ى مه‌ده‌نى پێكدێت داواى یه‌ك هه‌ڵوێستى هێز و لایه‌نه كوردیه‌كان و نوێنه‌رانى كورد له‌به‌غداد ده‌كات، هه‌روه‌ها داواكارن سه‌رۆك كۆمارى عێراقى فیدڕاڵ بێده‌نگى بشكێنێت و هه‌ڵوێستێكى راشكاوانه و كوردانه رابگه‌ێنێت .
له‌به‌شێكى ترى به‌یاننامه‌كه‌یاندا پشتگیرى خۆی بۆ لێدوان و هه‌ڵوێسته‌كانى سه‌رۆكى هه‌رێم ده‌ربڕى و بڵاویكرده‌وه كه ڕوونكردنه‌وه‌كه‌ى سه‌رۆكى هه‌رێمى كوردستان بۆ هه‌ڵسه‌نگاندنى ڕه‌وشه‌كه و چاره‌سه‌ركردنى ڕه‌وشه‌كه به باش داده‌ندرێت.
