تەقینەوەیەك لە دوبز 8 كەسی كردە قوربانی

دوبز- KDP.info/ لە ئەنجامی تەقینەوەیەكی خۆكوژی لە شارەدێی دوبز كە دەكەوێتە باكووری رۆژئاوای كەركووك 8 كەس كوژران و 12ـی دیكەیش بریندار بوون.

سەرچاوەیەكی ئەمنی لە دوبز رایگەیاند، سەرلەبەیانیی ئەمڕۆ یەكشەممە تەقینەوەیەكی خۆكوژی كە خاڵێكی پشكنینی لە شارەدێی دوبز كردە ئامانج 8 كەس كوژران كە زۆربەیان سەربازی عێراقین.

سەرچاوەكە راشیكەیاند كە بەهۆی سەختیی برینی ژمارەیەك برینداری تەقینەوەكەوە، پێشبینی دەكرێت ژمارەی كوژراوان بەرز بێتەوە.

ن جه‌به‌لی