دەزگای ڕۆشنبیری و ڕاگەیاندنی پارتی دیموكراتی كوردستان، ساڵیادی دامەزراندنی دەلال تی ڤی پیرۆز دەكات

بەڕێزان بەڕێوەبەر و ستافی تەلەڤزیۆنی دەلال تی ڤی

سڵاو و ڕێز

دەلال تی ڤی وەك كەناڵیَكی لۆكاڵی لە شاری زاخۆ لە ماوەی 8 ساڵەی تەمەنیدا خزمەتێكی بەرچاوی بە كاروانی میدیای كوردی كردووە و ئامانجی سەرەكی بڵاوكردنەوەی ڕۆشنبیریی گشتی و گەیاندنی پەیامی نیشتیمانی و نەتەوەیی بووە؛ هاوكات لە بوارە جوداكاندا هەنگاوی باشی ناوە و بە شێوەیەكی پیشەییانە مامەڵەی لەگەڵ تەواوی كایەكاندا كردووە.

 بە بۆنەی 8 ساڵەی تەمەنی تەلەڤزیۆنەكەتانەوە دەستی یەكە بە یەكەتان دەگوشین و ئومێدی بەردەوامبوون و سەركەوتنی زیاترتان بۆ دەخوازین، هاوكات لێتان دەخوازرێ، وەك هەمیشە بەرپرسانە مامەڵە لەگەڵ هەواڵ و رووداوەكاندا بكەن و جەخت لە ژیانی تەبایی و برایەتیی كۆمەڵگەی كوردستان بكەنەوە.

جارێكی دیكە دەستخۆشیتان لێدەكەین و پیرۆزە.

 

دەزگای ڕۆشنبیری و ڕاگەیاندنی پارتی دیموكراتی كوردستان

10/4/2014