داوودئۆغڵو: هیچ بڕیارێک نییە بۆ داخستنی خوێندنگە تورکییەکان لە دەرەوەی وڵات
ئانادۆڵ- KDP.info/ وەزیری دەرەوەی تورکیا، ئەحمەد داوودئۆغڵو، رایگەیاند هیچ فەرمانێک بۆ داخستنی خوێندنگە تورکییەکان لە دەرەوەی وڵات دەرنەکراوە.
وەزیری دەرەوەی تورکیا، ئەحمەد داوودئۆغڵو لە میانی میوانداریکردنی لە بەرنامەیەکی تەلەڤزیۆنی 24ـی تورکیا رایگەیاند: نە وەزارەتەکەی و نە حکوومەتی تورکیا، هیچ بڕیارێکیان نەداوە بۆ داخستنی خوێندنگە تورکییەکان لە دەرەوەی وڵات.
هەرێمی كوردستانیش یەكێكە لەوانەی كە ژمارەیەكی زۆر خوێندنگە و زانكۆی ئیشكی توركیای تێدا هەیە و بە نێوی فەزالەر كراونەتەوە.
خوێندنگەكانی فەزالەر زیاتر لە 2000 دەبێت و لە زۆرێك لە وڵاتانی ڕۆژهەڵاتی ناوەڕاست و ئەورووپا و ڕووسیایش هەی.
دەنگۆی داخستنی خوێندنگەكانی فەزالەر پاش ئەوە دێت كە ناكۆكی كەوتە نێوان سەرۆكوەزیرانی توركیا، ڕەجەب تەییب ئەردۆغان و فەتحولڵا گویلەن و بەوپێیەی كە فەزالەر سەربە گویلەنن، دەنگۆی داخستن جۆرێك لە دڵەڕاوكێی خستبووە دڵی قوتابیانی خوێندنگەكانی فەزالەر لە هەرێمی كوردستانیشدا.
