حه‌تا نوكه (90%) ژ كارتێن ئه‌لكترونی یێن وه‌لاتیێن پارێزگه‌ها دهوكێ هاتینه به‌لاڤكرن
دهوك-KDP.info/پشتی ده‌ستپێكرنا هه‌وا پروپاكندا هه‌لبژارتنێن جڤاتا نوینه‌رێن عیراقێ و هه‌لبژارتنێن جڤاتێن پارێزگه‌هێن هه‌رێما كوردستانێ و هاندانا خه‌لكێ پارێزگه‌ها دهوكێ بو وه‌رگرتنا كارتێن خو یێن ئه‌لكترونی ژبه‌ر گرنگیا بكارئینانا وان كارتان د پروسا هه‌لبژارتنان دا ل سیهی هه‌یڤا چوار، ئوفیسا دهوك یا كومسیونا بلندا سه‌ربه‌خویا هه‌لبژارتنان راگه‌هاند كو هه‌ر ژ ده‌ستپێكرنا پروسا به‌لاڤكرنا كارتێن ئه‌لكترونی لسه‌ر وه‌لاتیان و حه‌تا نوكه (90%) ژ كارتێن ئه‌لكترونی یێن وه‌لاتیێن پارێزگه‌ها دهوكێ هاتینه به‌لاڤكرن و هه‌روه‌سا كومسیونا هه‌لبژارتنان داخاز ژ وه‌لاتیان دكه‌ت كو حه‌تا پازده‌ی ڤێ هه‌یڤی بهێن كارتێن خو یێن ئه‌لكترونی وه‌رگرن دا كو بێ به‌هر نه‌بن ژ مافێ ده‌نگدانێ.
لدور ڤێ چه‌ندێ (موهه‌نه‌د ره‌مه‌زان ) جێگرێ رێڤه‌به‌رێ ئوفیسا دهوك یا كومسوینا هه‌لبژارتنان ئه‌ڤ داخویانیه دا kdp.info::ل دووڤ ئامارا ئوفیسا دهوك یا كومسوینا هه‌لبژارتنان رێژا دابه‌شكرنا كارتا ئه‌لكترۆنی یا ده‌نگدانا گشتی گه‌هشتیه (90%) و یا ده‌نگدانا تایبه‌ت گه‌هشتیه 95.59٪ ل دووڤ گۆتنێن وان ئه‌ڤه رێژه‌كا باشه.
ئۆفیسا دهۆك دخوازا ژی كر كو ئه‌و خه‌لكێ هه‌تا نوكه كارتا خوه نه وه‌رگرتی سه‌ره‌دانا بنگه‌هێ خوه یێ تۆماركرنێ بكه‌ت بۆ وه‌رگرتنا كارتێن خوه، كو ماوێ وه‌رگرتنا كارتێن ئه‌لكترۆنی هاتیه درێژكرن هه‌تا 20/4/2014بۆ ده‌نگدانا گشتی.
