ئەمەریكا هاووڵاتیانی لە عێراق ئاگادار دەكاتەوە
بەغدا - KDP.info/ بەهۆی ئاڵۆزیی بارودۆخی ئەمنی لە ناوەڕاست و باشووری عێراق و هەڕەشەی رێكخراوە تیرۆریستییەكان باڵیۆزخانەی ویلایەتە یەكگرتووەكانی ئەمەریكا رێگەی لە هاووڵاتیانی ئەمەریكا گرت لە رێگەی فرۆكەخانەی نێودەوڵەتیی بەغدا سەردانی عێراق بكەن.
لە بەیاننامەیەكدا باڵیۆزخانەی ئەمەریكا لە عێراق هاتووە كە بەهۆی ئەو زانیارییە ئەمنی و ئەگەری هەرەشەكان، هۆشداری دەدەینە هاووڵاتیانی ئەمەریكا و رێگەشیان لێ دەگرین بەوەی لە رێگەی فرۆكەخانەی بەغداوە سەردانی عێراق نەكەن و هەر حاڵەتێكیش رووی دا پەیوەندی بە بەشی خزمەتگوزاریی هاوكاریكردنی هاووڵاتیان بكەن .
هەروەها باڵیۆزخانەی ئەمەریكا داوای لە هاووڵاتیانی خۆی كرد كە بەدرێژایی ناوچەكانی عێراق بە ناوچەی سەوزیشەوە ئاگاداری هەر مەترسییەك ببنەوە كە هەرەشەیان لێ دەكات و داواشی كرد كە جووڵانەوەیان تا رادەیەك كەم بكەنەوە و وادەی گەشتكردن و گواستنەوەیان لە شوێنێكەوە بۆ شوێنێكی دیكە بگۆرن.
ن. جەبەلی
