دەمی هەلاویستنا ئالایێ تەڤگەرا گوران گەنجەك گیانی خوە ژدەست ددەت

ئاكرێ- KDP.info/ دوهی ل ناحیا دینارتێ‌ یا سه‌ر ب قه‌زا ئاكرێ‌ ڤه‌ د ده‌مێ‌ هه‌وا هه‌لبژارتنان دا و هه‌لاویستنا پۆسته‌ر و ئالایێن بزاڤا گۆڕان، گه‌نجه‌كێ‌ ته‌مه‌ن 23 سالی ب ناڤێ‌ (مێڤان عه‌بدولره‌حمان نه‌عمان) دچیته‌ سه‌ر ستوونه‌كا كاره‌بێ‌ وكاره‌ب ‌دگریت و گیانێ‌ خوه‌ ژ ده‌ست دده‌ت.

ئه‌فسه‌رێ‌ بنگه‌هێ‌ پۆلیسێن دینارتێ‌(رائید دلهاد محه‌مه‌د ره‌شید) بۆ kdp.infoدیار كر، كو دوهی و ل ناڤ سه‌نته‌رێ‌ ناحیا دینارتێ‌ وه‌لاتی (مێڤان عه‌بدولره‌حمان نه‌عمان) دچیته‌ سه‌ر ستوونه‌كا كاره‌بێ‌ بۆ هه‌لاویستنا پۆسته‌ر و ئالایێن بزاڤا گوڕان و ل سه‌ر ستوونێ‌ كاره‌ب دگریت و دكه‌ڤیته‌ عه‌ردی و ب دژواری بریندار دبیتوده‌ملده‌ست بۆ نه‌خۆشخانا ته‌نگاڤیان ل ئاكرێ‌ دهێته‌ ڤه‌گوهاستن، لێ‌ ژ به‌ر دژواریا برینێن وی ل ده‌م ژمێر ئێكی پشتی نیڤرۆ گیانێ‌ خوه‌ ژ ده‌ست دا.

دڵدار ئیبراهیم