ل ئیبراهیم خه‌لیل، 1600 ته‌نین كه‌ره‌سته‌یان هاتینه ژناڤبرن و زڤراندن
زاخو- KDP.info/ هه‌یڤا سێ یا ئه‌ڤ ساله، ل كومه‌لگه‌ها ده‌روازێ نیڤده‌وله‌تی ئیبراهیم خه‌لیل، 1645 ته‌ن و 100 كیلۆیێن كه‌ره‌سته‌یان هاتینه ژناڤبرن و زڤراندن بۆ وی جهێ ژێ هاتی.
نه‌جمه‌دین نێروه‌یی، به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل بو kdp.infoدیار كر، د ماوێ هەیڤا سێ یا ئەڤ سالە، ل ئیبراهیم خەلیل شیاینە 1645 تەن و 100 كیلۆیێن كەرەستەیان ژناڤ ببەن و ب زڤرینن بۆ وی وەلاتێ كەرەستە ژێ هاتین، ژ ڤانا ژی 178 تەن و 316 كیلۆ هاتینە ژناڤبرن و 1466 تەن و 784 كیلۆ ژی هاتینە زڤراندن.
به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل ئه‌و ژی گۆت: ئەگەرێ زڤراندن و ژناڤبرنا پتریا ڤانا ژی، ڤەدگەریت بۆ وێ چەندێ كۆ ژ پشكنیناندا بسەر نەكەڤتینە و دگەل رێنما و مەرجێن پێدڤی نەگونجینە.
كەرەستە ژی ب ڤی رەنگێ ل خوارێ دیار كری هاتینە ژناڤبرن و زڤراندن:
لیژنا ژناڤبرنێ رابووینە ب ژناڤبرنا 178 تەن و 316 كیلۆیێن كەرەستەیێن فێقی و كەسكاتی، پاقژكەر، ڤەخوارنێن جوراو جور، گۆشتێ جوراوجور، چیمەنتۆ، پێدڤیێن پزیشكی و ...هتد.
بنگەهێ ساخلەمیێ رابووینە ب زڤراندنا 805 تەن و 419 كیلۆیێن كەرەستەیێن شوكولات و بسكێت و چەرەزات، زەیتون، ئار، نوك، نیسك ....هتد. هەروەسا شیاینە 161 هزار و نەه لەترێن خەل، مایونیز و ئاڤا لەیمون و شەربەتێن جوراوجور ژی ب زڤرینن. ئەگەرێ ڤەگەراندنێ ژی، ژبەر كۆ نە ل دیڤ رێنمایێن ساخلەمیێ بوون و ژ پشكنیناندا بسەر نەكەڤتینە.
كونترۆلا جوری رابووینە ب زڤراندنا 208 تەن و 782 كیلۆیێن كەرەستەیێن وەكۆ داركێن گوها، كلینیس، زاهی، تایت، چارچەڤ و ....هتد. ئەگەرێ ڤەگەراندنێ ژی، ژبەر كۆ ل دیڤ رێنما و مەرجێن پێدڤی نەبووینە.
تاقیگەها كەرەستێن ئاڤاهیان رابووینە ب زڤراندنا 215 تەن و 150 كیلۆیێن بۆیاغ و تابوكان. ئەگەرێ ڤەگەراندنێ ژی، ژبەر كۆ ل دیڤ مەرجێن پێدڤی نەبووینە.
گەرەنتینا چاندنێ رابووینە ب زڤراندنا 143 تەن و 660 كیلۆیێن كەرەستەیان، وەكۆ پتات، مەرزەمەنی، توڤێ پیڤازا. ئەگەرێ زڤراندنێ ژی، چونكۆ ژ پشكنیناندا دەرنەچوویە.
گەرەنتینا فیتەرنەری ژی شیاینە 93 تەن و 773 كیلۆیێن كەرەستەیان ب زڤرینن، وكۆ هێك، ماسی، چەنگێن مریشكان، بالندەیێن جوانیێ، چەرمێ گیانەوەران. ئەگەرێ زڤراندنێ ژی، ژبەركۆ ل دیڤ رێنماییان نەدگونجین.
دڵدار ئیبراهیم
