77 پەنابەرێن روژئاڤا دناڤا روباری خابیری دا ل خەندقینێ هاتن رزگاركرن
زاخو-KDP.info/دوهی ژی 77 پەنابەرێن روژئاڤا ڤیان برێكا قاجاغ دەربازی هەرێما كوردستانێ ببن لێ دناڤا روبارێ خابیری دا تووشێ ئاریشا بوون وژلایێ تیمێن بەرەڤانیا باژیرَ زاخو ڤە هاتنە قورتال كرن.
دڤێ دەربارێ دا ئەڤیندار عزەت بەرپرسێ راگەهاندنا بەرەڤانیا باژێرێ زاخو بو kdp.info دیاركر، ئەم هاتینە ئاگەهداركرن ژلایێ هێزێن پاراستنا سنوری ڤە كو چەند پەنابەرێن روژئاڤا ڤیان ب ریێا قاجاغ دەربازی هەریما كوردستانێ ببن لێ دناڤا روبارێ خابیری دا تووشی ئاریشی بووینە لەوما دڤێت بهێن و قورتال بكەن تیمێن مە ژی هەر وی دەمی ل جهێ بویەرێ ئامادە بوون وشیان 77 پەنابەرێن كوردێن روژئاڤا قورتال بكەن ودەربازی هەریما كوردستانێ بكەن.
بەرپرسێ راگەهاندنا بەرڤانیا باژێرێ زاخو ئاشكەرا ژی كر كو هەر ئەڤ 77 پەنابەرە بشتی هاتینە قورتالكرن هاتنە دەستەرسەركرن ژلایێ هێزین َ پاراستنا سنورێ ڤە.
بشتی قەیرانا سوریا وئەو شەرو نەخوشێن دەگەنە وەلاتیێن وان تایبەت كوردێن روژئاڤا وبو دیتنا رێكین چارەسەریی وپاراستنا گیانی خوە كوردێن روژئاڤا دهینَە هەریما كوردستانی ژبەر كو حكومەتا هەریما كوردستانێ هاریكاریێن باش دگەل پەنابەرێن سوری دكەتن و كەمپ بو هاتینە چێكرن وپەنابەرێن كوردێن روژئاڤا تێدا دهێنە پاراستن ونها ژی پتر ژ 250 هزار پەنابەرێن روژئاڤا ل هەریما كوردستانێ دژین لەوما ژی كوردێن روژئاڤا بهەر رێكەكا هەبیت دڤێن بهینە هەریما كوردستانێ داكو گیانێ خوە ژ مرنی قورتال بكەن.
دڵدار ئیبراهیم
