ل قه‌زا شێخان زه‌لامه‌كێ 45 سالی هاته سۆتن
شیخان- KDP.info/ ل تاخێ كانی ره‌شكێ نێزیك بنگه‌هێ پۆلیسێن شێخان ل ناڤ سه‌نته‌رێ قه‌زا شێخان ئاگر به‌ربوو زه‌لامه‌كێ 45 سالی و هێشتا دیار نه‌بوویه كا وی ئاگر به‌ردایه خوه یان ئاگر به‌ر بوویێ.
رێڤه‌به‌رێ پۆلیسێن قه‌زا شێخان (مقدم سه‌عد عومه‌ر مه‌جید) ئاشكرا كر، ئه‌م هاتینه ئاگه‌هدار كرن كو ل ناڤ سه‌نته‌رێ قه‌زا شێخان ئاگر به‌ربوو زه‌لامه‌كێ 45 سالی بناڤێ (سلێمان ماجد) وپۆلیسێن مه ب زووترین ده‌م گه‌هشتنه جهێ روودانێ كو هێشتا ئاگر پێڤه بوو و به‌ر ب مال ڤه ره‌ڤی و چوو سه‌ر كورسیكێ و تێدا كه‌فت و مه ئه‌و كه‌سه ب ترۆمبێلا پۆلیسان ره‌وانه‌ی نه‌خۆشخانا شێخان كر، لێ ژ به‌ركو گه‌له‌ك هات بوو سۆتن بۆ نه‌خۆشخانا سۆتنێ ل پارێزگه‌ها دهۆكێ هاته ڤه‌گوهاستن و نوكه ل بن چاڤدێریا نشداران دایه.
مقدم سه‌عد عومه‌ر، رێڤه‌به‌رێ پۆلیسێن قه‌زا شێخان دیاركر، ئه‌گه‌رێن سۆتنا وی هێشتا دیار نه‌بووینه كا وی خوه سۆتی یه یان ئاگر بێ ده‌ستی به‌ربوویێ ڤه‌كۆلین یا به‌رده‌وامه دا كو ئه‌گه‌رێن سۆتنێ بزانین.
