ره‌شید تاهیر: مووچه‌ی مانگی 3ی فەرمانبەران له‌لایه‌ن حکومه‌تی هه‌رێمی کوردستان خۆیه‌وه‌یه‌تی له به‌غداوه ره‌وانه نه‌کراوه.
هه‌ولێر- KDP.info/ بریکاری وه‌زاره‌تی دارایی حکوومه‌تی هه‌رێمی کوردستان ڕایگه‌یاند، سبەی یه‌کشه‌ممه ده‌ست به دابه‌شکردنی مووچه‌ی مانگی 3ی فه‌رمانبه‌ران ده‌که‌ن.
بریکاری وه‌زاره‌تی دارایی حکوومه‌تی هه‌رێمی کوردستان، ره‌شید تاهیر، له لێدوانێکدا رایگەیاند کە له رۆژی یه‌کشه‌ممه‌وە ده‌ست به دابه‌شکردنی مووچه‌ی مانگی 3ی فه‌رمانبه‌رانی هه‌رێمی کوردستان ده‌که‌ن و له‌و رۆژه‌دا خانه‌نشینان و که‌سوکاری شه‌هیدان مووچه وه‌رده‌گرن، دواتریش وه‌زاره‌ته‌کانی دیکه به‌پێی خشته‌یه‌کی تایبه‌ت مووچه‌کانیان وه‌رده‌گرن.
گوتیشی، دابه‌شکردنی ئه‌و مووچه‌یه له‌لایه‌ن حکوومه‌تی هه‌رێمی کوردستان خۆیه‌وه‌یه‌تی و مووچه‌ی مانگی 3ی فه‌رمانبه‌رانی هه‌رێمی کوردستان له به‌غداوه ڕه‌وانه نه‌کراوه.
