بتنی چوار رۆژ لهه‌مبه‌ر ده‌نگده‌رێن تایبه‌ت ماینه بۆ وه‌رگرتنا كارتێن خوه یێن ئه‌لكترۆنی
دهوك- KDP.info/به‌رپرسێ راگه‌هاندن و په‌یوه‌ندیكرنێ ب جه‌ماوه‌ری ل ئۆفیسا دهۆكێ یا كۆمسیونا بلندا هه‌لبژارتنان ئاشكرا كر كو چوار رۆژ ل هه‌مبه‌ر ده‌نگده‌رێن تایبه‌ت ماینه بۆ وه‌رگرتنا كارتێن ئه‌لكترۆنی و ئه‌ڤرۆ دێ نڤیساره‌كێ بۆ كۆمسیونا بلندا سه‌ربخۆ یا هه‌لبژارتنان ل به‌غدا هنێرین و داخوازێ ژێ كه‌ین ده‌م هێشتا بهێته درێژ كرن، لێ جارێ ئه‌م نوزانین كا دێ ده‌م هێته درێژ كرن یان نه.
دیسا (سه‌گڤان حه‌سه‌ن) به‌رپرسێ راگه‌هاندن و په‌یوه‌ندیكرنێ ل ئۆفیسا دهۆكێ یا كۆمسیونا بلندا هه‌لبژارتنان گوت، نێزیكی 26 هزار كه‌سان ژ ده‌نگده‌رێن تایبه‌ت ل پارێزگه‌ها دهۆكێ كارتێن خوه یێن ئه‌لكترۆنی وه‌رگرتینه كو دبیته رێژا 88% و ده‌نگده‌رێن گشتی ژی 426 هزار كه‌سان وه‌رگرتینه، كو دبیته رێژا 70%. .
به‌رپرسێ راگه‌هاندن و په‌یوه‌ندیكرنێ ل ئۆفیسا دهۆكێ یا كۆمسیونا بلندا هه‌لبژارتنان داخواز ژ هه‌موو ده‌نگه‌رێن تایبه‌ت كر كو د ڤان پێنج رۆژێن ماین دا قه‌ستا بنگه‌هێن وه‌رگرتنا كارتێن ئه‌لكترۆنی بكه‌ن بۆ وه‌رگرتنا كارتێن خوه، دا كو ژ مافێ خوه یێ ده‌نگدانێ بێ به‌هر نه بن، دیسا داخواز ژ هه‌موو لایه‌نێن سیاسی و به‌ربژاران ژی كر، كو پێگیر بن ب رێنمایێن كۆمسیونێ.
دڵدار - دهۆك
