مه‌كته‌با سیاسی یا ئه‌لپارتی سوپاسیا حكومه‌تی و سه‌ركردایه‌تیا پارتی كر بو هه‌لویستێ وان ل سه‌ر پاراستنا كوردێن روژئاڤا
دهوك-KDP.info/ ئه‌ڤرو (عبدالخالق بابیری) به‌رپرسێ لقێ ئێك پێشوازی ل شانده‌كێ حزبا ئه‌لپارتی یا سوری ب سه‌روكاتیا( محمد ئیسماعیل) ئه‌ندامێ مه‌كته‌با سیاسی یا حزبا ناڤبری كر.
دروینشتنه‌كێ دا و پشتی بخێرهاتنێ ل شاندێ مێهڤان عبدالخالق بابیری چه‌ند رونكرنه‌ك ل دور ره‌وشا عیراقێ و سوریا ب گشتی و هه‌رێما كوردستانێ ب تایبه‌تی و كاودانێن ده‌ڤه‌ر تێدا دبوریت و هه‌روه‌سا به‌حس ل ره‌وشا ئاواره‌یێن كوردێن روژئاڤا كر كو ل هه‌رێما كوردستانێ دئاكنجی نه‌و هاریكاریێن بێ سنور یێن حكومه‌تا هه‌رێما كوردستانێ بو ئاوارێن ناڤبری و خوشكرن و پاراستنا ژیانا وان ل كه‌مپێن ئاواره‌یان كر.
ژلایێ خوڤه محه‌مه‌د ئیسماعیل ئه‌ندامێ مه‌كته‌با سیاسی یا ئه‌لپارتی دوپاتی ل سه‌ر ئاخفتنێن به‌رپرسێ لقێ كرن و سوپاسیا حكومه‌تا هه‌رێما كوردستانێ و سه‌ركردایه‌تیا پارتی دیموكراتی كوردستان كر بو هه‌لویستێ وان ل سه‌ر پاراستنا و داكوكی كرنا مافێن ژیانێ و دانان و ئاڤاكرنا كه‌مپێن ئاكنجی بونێ بو كوردێن روژئاڤا و ل دوماهیێ ژی به‌رپرسێ لقێ ئێك هاریكاری و پشته‌ڤانیا لقێ بو هه‌ر كاره‌كێ پێدڤی دیاركر.
