ساڵح حەیدەری وەک سەرۆکی دەستەی حەج و عومرەی عیَراق دەستنیشان کرا
ھەولێر- تایبەت بەKDP.info/ بەرێوەبەری راگەیاندنی وەزارەتی ئەوقاف و کاروباری ئایینیی حکوومەتی ھەرێمی کوردستان رایگەیاند، ئەمرۆ شێخ سالح ئەلحەیدەری وەک سەرۆکی دەستەی باڵای حەج و عومرەی عیَراق بە وەکالەت دەستنیشان کرا و بریارە ھەر ئەمرۆیشدەستبەکار بێت.
مەریوان نەقشبەندی گوتیشی، ساڵح ئەلحەیدەری پێشتر سەرۆکی دیوانی وەقفی شیعەی عیَراق بووە و نازانرێ ئاخۆ لەسەر کارەکەی پێشووی بەردەوام دەبێت یان نا.
نەقشبەندی هەروەها دەڵێت: ئێستا دەستەی باڵای حەج و عومرەی عیَراق بە تەواوەتی لە دەست شیعەی عیَراقدایە و ھیچ بەرپرسێکی کورد لەناو ئەم دەستەیەدا نابینرێ کە بەقەدەر وەزارەتێکی حکوومەتی عیَراق بوجە و کاریگەریی ھەیە.
ئەم بڕیارەی دانانی ئەلحەیدەری بە سەرۆکی دەستەی باڵای حەج و عومرەی عیَراق بە وەکالەت، پاش ئەوە دێت كە سەرۆکوەزیرانی عیَراق، نووری مالیكی، دوو مانگ لەمەوبەر شێخ محەممەد تەقی ئەلمەولا سەرۆکی دەستەی حەج و عومرەی عیَراقی لادا و رووبەڕووی دادگای کردەوە.
بڵند ئیبراهیم
