دادگای کارگێڕی هەولێر، بڕیاری بە کراوەیی هێشتنەوەی دانیشتنی پەرلەمانی کوردستانی هەڵوەشاندەوە
هه‌ولێر- KDP.info/ پارێزەری رەوتی ناڕەزایەتییەكانی خەڵك، كەریم محەممەد سۆفی، راگەیاند، "كەمێك پێش ئێستا دادگای كارگێڕی هەولێر لەسەر دۆسیەی ژمارە 28 ك 2014، بڕیاری دا بە هەڵوەشاندنەوەی بڕیاری سەرۆكی كاتی پەرلەمان بۆ بەكراوەیی هێشتنەوەی دانیشتنی پەرلەمان".
ئەو پارێزەرە بە رووداوی ڕاگه‌یاندووه، "بەگوێرەی بڕیاری دادگای كارگێڕی، سەرۆكایەتی كاتیی پەرلەمان پابەند دەكرێت بە دانیشتنی پەرلەمان بەزووترین كات و هەڵبژاردنی دەستەی سەرۆكایەتی پەرلەمانی كوردستان."
