پتر ژ 35 هزار گەشتیار بۆ جەژنا نەورۆزێ ب رێیا ئیبراهیم خەلیل هاتینە دناڤ هەرێما كوردستانێ دا
زاخو - KDP.info/پتر ژ 35 هزار گەشتیارێن كۆ ڤیایی بۆ جەژنا نەورۆزێ ل هەرێما كوردستانێ بن، ب رێیا كومەلگەها دەروازێ نیڤدەولەتی ئیبراهیم خەلیل هاتینە دناڤ هەرێما كوردستانێ دا.
نه‌جمه‌ددین نێروه‌یی، به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل بۆ kdp.infoدیار ك،ل دیڤ ئامارا نڤیسینگەها ئاكنجیبوون و پاسپورتا ئیبراهیم خەلیل، ژ رێكەڤتی 18/3/2014ێ، هەتا دوماهیا رۆژا 23/3/2014ێ، 35 هزار و 313 رێڤینگ ب رێیا كومەلگەها دەروازێ نیڤدەولەتی ئیبراهیم خەلیل هاتینە دناڤ هەرێما كوردستانێ دا، هەروەسا 32 هزار و 700 رێڤینگ ژی ل هەرێما كوردستانێ بەرەڤ وەلاتێ توركیا و وەلاتێن دی چووینە.
به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل گۆت ژی، ژ 35 هزار و 313 رێڤینگێن هاتینە دناڤ هەرێما كوردستانێ، 9 هزار و 156 رێڤینگ هەلگرێن پاسپورتێن عراقی، 24 هزار و 586 رێڤینگ هەلگرێن پاسپورتێن توركی و هزار و 571 رێڤینگ ژی هەلگرێن پاسپورتێن جوراوجور بووینە.
هەروەسا ژ 32 هزار و 700 رێڤینگێن ب رێیا كومەلگەها دەروازێ نیڤدەولەتی ئیبراهیم خەلیل بەرەڤ وەلاتێ توركیا و وەلاتێن دیتر چووین، 25 هزار و 354 رێڤینگ هەلگرێن پاسپورتێن توركی، 6 هزار و 632 رێڤینگ هەلگرێن پاسپورتێن عراقی و 714 رێڤینگ ژی هەلگرێن پاسپورتێن جوراوجور بوووینە.
دڵدار - دهۆك
