وه‌زاره‌تی دارایی هه‌رێم : مووچه‌ی مانگی3 به ده‌رماڵه‌وه خه‌رج ده‌كرێت
هەولێر- KDP.info/ دوای بڵاوبوونه‌وه‌ی ده‌نگۆی بڕینی ده‌رماڵه‌ی فه‌رمانبه‌ران، وه‌زاره‌تی دارایی و ئابووری هه‌رێمی كوردستان ته‌ئكید ده‌كاته‌وه، مووچه‌ی فه‌رمانبه‌ران به‌بێ كه‌موكوڕی خه‌رج ده‌كرێت و تائێستا هیچ بڕیارێك نییه بۆ بڕین یان نه‌دانی ده‌رماڵه‌كانیان.
بریكاری وه‌زاره‌تی دارایی حكوومه‌تی هه‌رێمی كوردستان، دلێر تارق، رایگه‌یاند: دوای ته‌واوبوونی موچه‌ی مانگی دوو، وه‌زاره‌تی دارایی مووچه‌ی مانگی سێ دابه‌ش ده‌كات.
دلێر تاریق گوتی: "مووچه‌ی فه‌رمانبه‌ران وه‌كو خۆی خه‌رج ده‌كرێت و تائێستا هیچ بڕیار و رێنماییه‌كمان بۆ نه‌هاتووه تاكو ده‌رماڵه‌كانی فه‌رمانبه‌ران نه‌درێت"، ئه‌وه‌شی خسته‌ڕوو هه‌ر بڕیارێكی له‌و جۆره بدرێت، بە زووترین كات بڵاوی دەكەینەوە.
