پۆلیسی ھەولێر: ھیچ رووداوێکی گەورە رووینەداوە

ھەولێر- تایبەت بەKDP.INFO/بەرێوبەری راگەیاندنی پۆلیسی ھەولێر ڕایگەیاند، تاوەکو ئەمڕۆ كە دووەم رۆژی جەژنی نەورۆزە، ھیچ رووداوێکی گەورە لە شاری ھەولێر رووینەداوە و تەنھا یەک حاڵەتی دزی ھەبووە.

بەرێوبەری راگەیاندنی پۆلیسی ھەولێر، راید کاروان عەبدولکەریم، بەKDP.INFOـی راگەیاند: ئەمڕۆ دووەم رۆژی جەژنی نەورۆزە خۆشبەختانە تاوەکو ئێستا ھیچ حاڵەتێکی مردن یاخود رووداوێکی گەورە لە شاری ھەولێر رووینەداوە، تەنھا یەک حاڵەتی دزی ماڵان لەناو شاری ھەولێر ھەبووە.

عەبدولکەریم گوتیشی: بەپێی ئەو پلانە ئەمنییەی دانراوە بەردەوام دەبن لە پاراستی سەر و ماڵی ھاووڵاتیان بۆئەوەی بە خۆشی، رۆژانی نەورۆز بە ڕێ بکەن.

بلند ئیبراهیم