سیراج بارزانی : زیاتر له 14 هه‌زار كه‌س به هۆى مینه‌وه بوونه‌ته قوربانى و 20%ی خاكی هه‌رێم له مین پاك كراوه‌ته‌وه
له هه‌رێمی كوردستان زیاتر له 14 هه‌زار كه‌س به هۆكاری ته‌قینه‌وه‌ی مینه‌وه برینداربوون و گیانیان له‌ده‌ستداوه, سه‌رۆكی ده‌زگای گشتی كاروباری مین, رایگه‌یاند: تائێستا له 20%ی خاكی هه‌رێم له‌مین پاك كراونه‌ته‌وه.
سیراج بارزانی به په‌یامنێرى وت: له‌هه‌رێمدا 14 هه‌زار و 200 كه‌س به‌ر ته‌قینه‌وه‌ی مین كه‌وتوون, به‌هۆیه‌وه بریندار یاخود كه‌مئه‌ندام یاخود شه‌هیدبوون.
وتیشی: له‌و ژماره‌یه 600 كه‌سیان گیانیان له‌ده‌ستداوه و بریندار و كه‌مئه‌ندام بوون, هه‌روه‌ها 13 كارمه‌ندی مینیش له‌كاتی كاره‌كردندا گیانیان له‌ده‌ستداوه.
ئاماژه‌یدا:" تائێستا له 20%ی خاكی هه‌رێم له‌مین پاك كراونه‌ته‌وه."
