گه‌شت و گوزارێ دهوكی پلانا خو یا روژانێن جه‌ژنا نه‌وروزێ راگه‌هاند

دهوك- KDP.info/ رێڤه‌به‌ریا گشتی یا گه‌شت و گوزاری ل دهوكێ به‌رنامێ خو یێ روژانێن نه‌وروزێ پێشكێشی ده‌زگه‌هێن راگه‌هاندنێ كر و دهێته‌چاڤه‌رێكرن د روژانێن نه‌وروزێدا هژماره‌كا زور یا گه‌شتیارا قه‌ستا پارێزگه‌ها دهوكێ بكه‌ن،ودیاركر كو ئه‌ڤ ساله‌ كۆژمێ 360 هزار دۆلاران بۆ خزمه‌تكرنا گه‌شتیاران هاتینه‌ ته‌رخانكرن .

 عوبه‌یدوللا داوود، رێڤه‌به‌رێ گشتی یێ گه‌شتوگۆزارێ ل پارێزگه‌ها دهۆكێ ئه‌وژی خویا كر، كو ئه‌ڤ ساله‌ (10) لژنه‌ بۆ پێشوازیكرنا گه‌شتیاران هاتینه‌ پیكئینان و دێ نامیلكه‌ و تشتێن پێدڤی ل سه‌ر گه‌شتیاران به‌لاڤ كه‌ن و هه‌موو ئۆتێل و مۆتێل و جهێن گه‌شتوگۆزاری دێ د ڤه‌كری بن و د خزمه‌تا گه‌شتیاران دا بن.

 رێڤه‌به‌رێ گشتی یێ گه‌شتوگۆزارێ ل پارێزگه‌ها دهۆكێ ئاشكرا ژی كر، ئه‌ڤ ساله‌ گه‌له‌ك به‌رهه‌ڤیێن باش هاتینه‌ كرن بۆ پێشوازی و خزمه‌تكرنا گه‌شتیاران، ژ خودێ د خوازین چوو گه‌شتیار تووشی ئاریشه‌یان نه‌بن و رۆژانێن خۆش وه‌كو هه‌ر جار ل پارێزگه‌ها دهۆكێ ب بۆرینن.

دڵدار - دهۆك