پتر ژ (60%) وه‌لاتیان و (80%) یێن تایبه‌ت كارتێن خو یێن ئه‌لكترونی لدهوكی وه‌رگرتینه
دهوك- KDP.info/ئوفیسا دهوك یا كومیسیونا بلندا سه‌ربه‌خویا هه‌لبژارتنان ئه‌ڤرو دگه‌ل هژماره‌كا رێكخراوێن جڤاكێ مه‌ده‌نی ل هولا جڤاتا پارێزگه‌ها دهوكێ كومبووو راگەهاند، پتر ژ (60%) وه‌لاتیان و (80%) یێن تایبه‌ت كارتێن خو یێن ئه‌لكترونی لدهوكی وه‌رگرتینه.
لدور گرنگیا وێ كومبونێ(موهه‌نه‌د ره‌مه‌زان) جێگرێ رێڤه‌به‌رێ ئوفیسا دهوك یا كومیسیونا هه‌لبژارتنان ئه‌ڤ داخویانیه دا kdp.info :د وێ كومبونێ دا چاوانیا هاندان و هشیاركرنا وه‌لاتیان لدور گرنگیا كارتا ئه‌لكترونی هه‌روه‌سا چاوانیا بكارئینانا وێ هاته به‌حسكرن و ئوفیسا دهوك یا كومسیونا هه‌لبژارتنان راگه‌هاند كو برێژا پتر ژ (60%) وه‌لاتیان كارتێن خو یێن ئه‌لكترونی یێن ده‌نگدانێ وه‌رگرتینه و (80%) ژ ده‌نگده‌رێن ده‌نگدانا تایبه‌ت كارتێن خو وه‌رگرتینه.
جێگرێ رێڤه‌به‌رێ ئوفیسا دهوك یا كومیسیونا هه‌لبژارتنان دیاركر، كو هیڤی خواستن كو رێكخراوێن جڤاكێ مه‌ده‌نی ناڤێن خو ل كومیسیونێ توماربكه‌ن ژبو چاڤدێریكرنا پروسا هه‌لبژارتنێن جڤاتێن پارێزگه‌هێن هه‌رێمێ و جڤاتا نوینه‌رێن عیراقێ.
دڵدار- دهۆك
