د رۆژێن جه‌ژنا نه‌وروزێ دا 8هزار پوسته‌رێن ترافیكی دێ لسه‌ر شوفێران هێنه به‌لاڤكرن
دهوك- KDP.info/ ب مه‌ره‌ما رێكخستنا هاتن وچونا وه‌لاتیان ل رۆژانێن نه‌وروزێ ب ره‌نگه‌كێ رێكخستی، ئه‌ڤرو دكونگره‌یه‌كێ رۆژنامه‌ڤانی دا رێڤه‌به‌ریا گشتی هاتن وچونێ ل پارێزگه‌ها دهوكێ ئاشكراكر، كو ل هه‌ر سێ رۆژێن نه‌وروزێ كارمه‌ندێن رێڤه‌به‌ریا وان لسه‌رانسه‌ری پارێزگه‌ها دهوكێ دێ ل رێكێن ده‌رڤه ونافخویێ باژیری دكاری دابن.
لدور پلانا رێڤه‌به‌ریا هاتن وچونێ بوجه‌ژنا نه‌وروزێ به‌رپرسێ راگه‌هاندنا هاتن و چوونا دهۆكێ نه‌قیبێ هاتن وچونێ (ئازاد ته‌ها) ئه‌ف داخویانیه دا ده‌زگه‌هێن راگه‌هاندنێ:
هاتن و چونا دهۆكێ ئاماده‌كاری یێن ته‌واو كرینه ژبۆ سه‌ر سالا كوردی و ئاهه‌نگێن نه‌ورۆزێ پێخه‌مه‌ت پاراستنا جانێ وه‌لاتیان و داخاز ژی ژ ته‌ڤایا وه‌لاتیان كر پابه‌ندی رێنمایی یێن هاتن و چونێ بن ژبۆ پاراستنا خوه و زاروكێن خوه مه‌رجێن ترافیكێ بجیه بكن.
ئازاد ته‌ها گۆت: "هه‌ر جاده‌كا كارتێكرنه‌كا نه‌رێنی هه‌بیت، پولیس دێ كاره‌بێ ڤه‌مرینیتن ئاماژه ژی دێ برێكا ده‌ستی بن و هه‌روه‌سا دێ 8 هزار پوسته‌رێن ترافیكی كو رێنمایێن هاتنو چوونێ تێدانه دێ لسه‌ر شوفێران هێنه به‌لاڤكرن".
سه‌باره‌ت كامیرێن زێره‌ڤانیێ و راداران ژی دیاركر، د رۆژێن جه‌ژنێ دا، رادارێن زێره‌ڤانیێ دێ دكاری دابن و هه‌ر شوفێره‌كێ كارێن ناره‌وا بكه‌ت دێ هێته ره‌وانه‌كرن بۆ دادگه‌هێ.
ئاماژه‌كر، هێلا ترافیكی یا 188 دێ دخزمه‌تا وه‌ڵاتییان دا بیت، و هه‌ر ترۆمبێله‌كا بهێته ده‌سته‌سه‌ركرن ناهێته به‌ردان تا داوییا هه‌رسێ رۆژێن جه‌ژنا نه‌ورۆزێ.
به‌رپرسێ راگه‌هاندنا هاتن و چوونا دهۆكێ دیاركر ژ ئالیه‌كێ دن ڤه ئامارێ مه‌ها یه‌ك یا سالا 2014ێ به‌رچاڤ كر و راگه‌هاند؛ كو 131 بۆیه‌رێ ترافیكێ ل ده‌ڤه‌را دهۆكێ چێبونه و ب وی سه‌ده‌مێ 10 كه‌س جانێ خوه ژ ده‌ست دایه و 77 كه‌سن دن ژی بریندار بونه.
