ژ ئه گەرێ هەرفینا ئاڤاهیەکی ل زاخو کوردەکێ روژئاڤا گیانێ خوە ژ دەست دا

زاخو- KDP.info/ دڤان روژاندا ل ده‌ڤه‌را زاخو بارانه‌كا زور باری ودئه‌نجامدا ئاڤ رابوون وله‌هی دناڤ هژماره‌كا تاخان په‌یدا بوون وزیان لدویف خو هێلان و ژ ئه‌نجامێ بارینا بارانێ بانێ ئاڤاهیكێ ل تاخێ خرابابكێ ل زاخو هه‌رفی و دئه‌نجامدا وه‌لاتیه‌كێ روژئاڤایێ كوردستانێ بناڤێ (عوسمان ره‌مه‌زان عه‌لی) یێ ته‌مه‌ن 27 سال گیانێ خوه‌ ژ ده‌ست دا.

عه‌مید شه‌علان ئەحمە د رێڤه‌به‌رێ پولیسێن زاخو بو kdp.infoدیاركر، هه‌روی ده‌می دا تیمێن وان و یێن هه‌وار هاتێ و ته‌ندروستی گه‌هشته‌ جهێ روویدانێ لێ تاكو هێزێن وان ئه‌و وه‌لاتی روژئاڤایێ كوردستانێ ژ ئاڤاهێ كو هه‌رفی ئیناینه‌ ده‌ر گیانێ خوه‌ ژ ده‌ست دابو ژبه‌ركو زه‌ره‌ر گه‌له‌ك گه‌ها بو سه‌رێ وی .

 رێڤه‌به‌رێ پولیسێن زاخو راگه‌هاند ژی پاش ته‌رمێ وی وه‌لاتی یێ كو خه‌لكێ دێركێ یه‌ بو نه‌خوشخانا زاخو هاته‌ ره‌وانه‌كرن،تێته‌ زانین ئه‌و وه‌لاتی د ئاڤایه‌كێ نه‌ نورمال دا ل تاخێ خرابابكێ ئاكنجی ببو ژ سه‌ده‌ما قه‌یرانا روژئاڤا ژ وێ ده‌رێ قه‌ستا زاخو كربو و لێ ئاكنجی ببو.

ل ئالیێ دن ب سه‌ده‌ما بارینا بارانێ هه‌یاما دوو ده‌مژمێران رێ یا ناڤبه‌را زاخۆ و دهۆكێ هاتبوو كرتن و له‌هی ژی ل نێزیك زالگه‌ها زاخۆ و گه‌لیێ زاخۆ رابوو.

دڵدار- دهۆك