ئاواره‌یێن ئه‌نبار ئه‌وێن ل سنورێ پارێزگه‌ها دهوكێ بنه‌جهبوین، (300)هزار دیناران وەردگرن
دهوك- KDP.info/ وه‌زاره‌تا كوچ وكوچبه‌رێن ئیراقا فیدرال (300)هزار دیناران بو هه‌ر خێزانه‌كێ ژئاواره‌یێن پارێزگه‌ها ئه‌نبار ئه‌وێن ل سنورێ پارێزگه‌ها دهوكێ بنه‌جهبوین پێشكێشكه‌ت.
ئه‌ڤرو سپێدێ (بهزاد علی ئاده‌م) جێگرێ پارێزگه‌رێ دهوكێ پێًشوازیا به‌رێز (د.سلام الخفاجی) بریكارێ وه‌زاره‌تا كوچ وكوچبه‌رێن ئیراقا فیدرال كرودهه‌ڤدیتنه‌كێدا به‌حسێ ره‌وشا ئاوارێن نافخویی یێن ژباشوروناڤه‌راستا ئیراقێ هاتین نه‌خاسمه ئه‌وئاوارێن ڤێ دوماهیێ ژسنورێ پارێزگه‌ها ئه‌نبار هاتین ول جهێن جودا به‌نجهبوین وره‌وشا په‌نابه‌رێن سوری ل كه‌مپێن په‌نابه‌ران وئه‌و كاروخزمه‌تێن بو دهێنه پێشكێشكرن دبیاڤێ خزمه‌تكاری وته‌ندورستی وپه‌روه‌رده‌یی دا هاته كرن .
(د.سلام الخفاجی) بریكارێ وه‌زاره‌تا كوچ وكوچبه‌رێن ئیرقا فیدرال لدور سه ره داناخو ئه‌ف داخویانیه دا ده‌زگه‌هێن راگه‌هاندنێ:دیاركر كو ئه‌و هاتینه دا ژنێزیك ره‌وشا هه‌موو په‌نابه‌ر وئاواران بزانن ویا دشیان دا بو بكه‌ن هه‌روه‌سا دیاركر كو وه‌زاره‌تا كوچ وكوچبه‌ران دێ هاریكایه‌كا بله‌ز بكوژمێ (300)هزار دیناران بو هه‌ر خێزانه‌كێ ژئاواره‌یێن پارێزگه‌ها ئه‌نبار ئه‌وێن ل سنورێ پارێزگه‌ها دهوكێ بنه‌جهبوین پێشكێشكه‌ت وپشتی هه‌یامه‌كا دی دێ كوژمه‌كێ دی ژی پێشكێشكه‌ن .
دیسان جێگرێ پارێزگه‌رێ دهوكێ ته‌كه‌ز كر كو كارگێریا پارێزگه‌ها دهوكێ وب هه‌ڤكاری دگه‌ل رێكخراوێن نه‌ته‌وه‌یێن ئێكگرتی هه‌موو هاریكاریا بو په‌ناهند وئاوارێن نافخویی پێشكێشدكه‌ت وخواست كو لایه‌نێن په‌یوه‌ندیدار پتر هاریكاریا بو په‌نابه‌ر وئاواران پێشكێشكه‌ن نه‌خاسمه وه‌زاره‌تا كوچ وبه‌ران وهیڤی خاستن كو كاودانێن هه‌موو ئاواران وپه‌نابه‌ران ئاسایی ببن وهه‌موو ڤه‌گه‌رنه سه‌ر جه و وارێن خو، تێ زانین ڤێ دوماهیێ وژبه‌ر ره‌وشا ئه‌منی یا پارێزگه‌ها ئه‌نبار نێزیكی (400)خێزانان قه‌ستا پارێزگه‌ها دهوكێ كریه وبنه‌جهبوینه.
دڵدار- دهۆك
