قونسلێ رومانیا ، بۆ مە جهێ شانازیێ یە ل هەرێما كوردستانێ هاتن و چوونێ بكەین و پێدڤی ب زێرەڤانان نەبین
زاخو-KDP.info/ قونسلێ وەلاتێ رومانیا ل هەولێرێ (میهایتا ئینێ) سەرەدانا كومەلگەها ئیبراهیم خەلیل كر و ژ لایێ (حەمید عەلی) سەرپەرشتێ كومەلگەها دەروازێ نیڤدەولەتی ئیبراهیم خەلیل پێشوازی لێ هاتە كرن و چەندین را و بووچوون دناڤبەرا هەڤدا ئالوگور كرن.
نه‌جمه‌ددین نێروه‌یی، به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل بۆ kdp.infoدیار كر،د ڤێ سەرەدانا خۆدا قونسلێ رومانیا باس لسەر سەرەدەریكرنا دگەل وەلاتی و شۆڤێرێن رومانی كر و د ڤی ئالیدا سۆپاسیێن خۆ پێشكێشی هەموو فەرمانبەرێن كومەلگەها ئیبراهیم خەلیل كرن، كۆ تا نها سەرەدەریەكا باش دگەل وەلاتیێن رومانی دهێتە كرن.
نه‌جمه‌ددین نێروه‌ییئه‌و ژی دیاركر،كو د ئالیەك دن باس لسەر وان گرفتێن دهێنە پێش شۆڤێرین رومانی هاتە كرن و ژ لایێ خۆڤە سەرپەرشتێ كومەلگەهێ دیاركر كۆ دێ ب هەموو رەنگان لدیڤ رێنمایان دگەل واندا د هاریكار بن، هەروەكۆ چەوا دگەل هەموو وەلاتیێن دی د هاریكارین ود تەوەرەكێ دیدا قونسلێ رومانیا دیار كر كۆ بۆ مە جهێ شانازیێ یە ل هەرێما كوردستانێ هاتن و چوونێ بكەین و پێدڤی ب زێرەڤانان نەبین، لەوما ئەمژی دێ هەموو هەولان دەین كۆ د هەر ئالیەكێ بیت خزمەتا كوردستانێ بكەین.
به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل گۆت ژی، قونسلێ رومانیا دیار كر كۆ ئەڤە ل ئادارا سالا 2013ێ وەرە ئەو ڤیزا ددەنە خەلكێ هەرێما كوردستانێ و نوكەژی ئاسانكاریێن زێدەتر كرینە بۆ ب دەست خستنا ڤیزان.
هەروەسا ئەوژی دیار كر كۆ پێخۆشحالین ئەم بشێین ب رێكا سایتێ هەوە یێ ئەلكترونی هەموو رێنمایێن گومركی ب دەست بێخین و بەردەوام ئاگەهداری بزاڤێن كومەلگەهێ ببین.
ل دوماهیێ ژی هەردوو لایان هیڤی خواستن كۆ بۆ هەر پێشهاتەكا نەچاڤەرێكری و هەر ئاریشەیەكێ، پەیوەندیێن ئێكسەر هەبن.
