عێراقییه: سوورین له گرتنه‌به‌رى ڕێوشوێنه دیموكراسى و ده‌ستوریه‌كان، له پێناو ڕووبه‌ڕووبونه‌وه‌ى تاكڕه‌ویكردن
ئیئتیلافى عێراقییه به سه‌رۆكایه‌تى ئه‌یاد عه‌للاوى دووپاتیكرده‌وه كه به ئامانجى دانانى سنوورێك بۆ ڕێبازى تاكڕه‌ویكردن له به‌ڕێوه‌بردنى كاروباره‌كانى ووڵات سوورن له سه‌ر پشت به‌ستن به ئامرازه دیموكراسى و ده‌ستووریه‌كان.
ئیرۆ هه‌ڤالبه‌ندا ئیراقیه ب سه‌ده‌ما گفتوگۆكرنا پێشده‌چونێن داویێن گۆره‌پانا سیاسی یا وه‌لات جڤینه‌ك پێكانی. د داخویانیه‌كێ ژی ده ته‌كه‌ز كر كو جاره‌ك دن ئیراقیه دووپات دكه كو ب پشتگرێدان ب ئامرازێن ده‌موكراسی و ده‌ستوری ئه‌ڤ رژده ژبۆ دانینا سینۆره‌كێ ژبۆ دكتاتۆریه‌ت و یه‌كئالى دبرێڤه‌برنا كاروبارێن وه‌لات ده. هه‌روه‌ها ئیراقیه لێكۆلین ل دۆر هه‌ژماره‌كه پرۆژه‌كتێن یاسایى یێن پێشنیازكری د جڤاتا نوونه‌ران ده كرن ب تایبه‌ت ژی پرۆژه‌كت یاسایا دادگه‌ها ئیتیحادی و پرۆژه‌كت یاسایا پارتى یێن سیاسی.
هه‌ڤده‌م د بیست و شه‌شێ مه‌ها ده‌رباسبوویی ده هه‌ڤپه‌یمانیا نشتیمانی كۆمیته‌یه‌ك ژبۆ پێكانینا كارنامه‌یه‌كه ریفۆرمێ چێكر، لێ هه‌ر د ده‌مه‌كێ كێم ده كۆمیته هاته ره‌خنه‌كرن، ئه‌ڤ ژی ژبه‌ر وێ یه‌كێ كو سه‌ركرده‌یێن هه‌ڤپه‌یمانیا نشتیمانی ل سه‌ر پێكانینا ریفۆرمێ رژد نینن.
