ئالوزیێن دناڤبه‌را هه‌رێمی و به‌غدا و نه‌هنارتنا مووچێن فه‌رمانبه‌ران لدهوكی هاتە گەنگەشەكرن

دهوك-KDP.info/ ئه‌ڤرو(فه‌رهاد ئه‌مین ئه‌تروشی) ئه‌ندامێ جڤاتا نوینه‌رێن عیراقێ لسه‌ر لیستا هه‌ڤپه‌یمانیا كوردستانێ سمیناره‌كا جه‌ماوه‌ری یا به‌رفه‌ره بو هژماره‌كا پێشمه‌رگه‌ و ئه‌ندامێن سه‌نته‌رێ پێشمه‌رگه‌ یێ ره‌وشه‌نبیری پێشكێشكر.

 ڤیان یووسف پێندرویی به‌رپرسا سه‌نته‌رێ‌ ره‌وشه‌نبیریێ‌ پێشمه‌رگه‌ ل دهۆكێ‌ بو kdp.infoگۆت: د وێ سمینارێ دا (فه‌رهاد ئه‌تروشی) ئه‌ندامێ جڤاتا نوینه‌رێن عیراقێ لسه‌ر لیستا هه‌ڤپه‌یمانیا كوردستانێ بدرێژی به‌حسێ ره‌وشا سیاسی یا هه‌رێما كوردستانێ و عیراقێ و نویترین پێشهاتێن سیاسی ل ده‌ڤه‌رێ و كێشه‌ و ئالوزیێن دناڤبه‌را هه‌رێما كوردستانێ و حكومه‌تا به‌غدا دا و نه‌هنارتنا مووچێن فه‌رمانبه‌رێن هه‌رێما كوردستانێ ژلایێ حكومه‌تا به‌غدا ڤه‌ .

به‌رپرسا سه‌نته‌رێ‌ ره‌وشه‌نبیریێ‌ پێشمه‌رگه‌ ل دهۆكێ‌ ئاشكه‌را دكه‌تژی،كو كوركیری به حسی گیروكرنا په‌سه‌ندكرنا بودجا عیراقێ ب گشتی كر و دیاركر كو حكومه‌تێن عیراقێ یێن ئێك لدویڤ ئێك ب هه‌می ره‌نگان بزاڤ كریه‌ ئیرادا ملله‌تێ كورد بچه‌مینن و مه‌ ژ هه‌می مافێن ده‌ستپێكی بێ به‌هربكه‌ن و ئه‌وا نوكه‌ حكومه‌تا عیراقێ دكه‌ت د ده‌رحه‌قێ ملله‌تێ مه‌دا جهێ قه‌بیل كرنێ نینه‌ و نوینه‌رێن هه‌رێما كوردستانێ به‌رده‌وام د به‌رهه‌ڤیێ دا نه‌ ژبو به‌ره‌ڤانیكرنێ ژ مافێن ره‌وایێن ملله‌تێ كوردستانێ و نابیت حكومه‌تا به‌غدا نه‌هنارتنا مووچێن فه‌رمانبه‌رێن هه‌رێمێ وه‌ك كارتا سیاسی بكاربینیت ژبه‌ركو مووچێ فه‌رمانبه‌ران مافه‌كێ ره‌وا و كه‌سایه‌تیێ فه‌رمانبه‌رانه‌ وه‌ك وه‌لاتی و دڤێت مافێ وان پێ بهێته‌دان ولدوماهیێ دان و ستاندن ژلایێ به‌رهه‌ڤبویان ڤه‌ لسه‌ر ناڤه‌روكا سمینارێ هاته‌كرن .

دڵدار ئیبراهیم